9.81C Vancouver 9.81C VancouverNov 15, 2021 8:35 PM - The Canadian Press
ਬੀ.ਸੀ. 'ਚ ਦੱਖਣੀ ਤਟ ਅਤੇ ਵੈਨਕੂਵਰ ਆਈਲੈਂਡ 'ਤੇ ਲਗਾਤਾਰ ਪੈਂਦੇ ਮੀਂਹ ਵਿਚਾਲੇ ਆਵਾਜਾਈ ਪ੍ਰਭਾਵਿਤ ਹੋਈ ਹੈ ਅਤੇ ਕਈ ਨਿਵਾਸੀ ਡਿਸਪਲੇਸ ਹੋ ਗਏ ਹਨ।
ਕਈ ਜਗ੍ਹਾ ਹਾਈਵੇਅ ਬੰਦ ਹੋਣ ਤੋਂ ਇਲਾਵਾ ਕਈ ਥਾਵਾਂ 'ਤੇ ਹੜ੍ਹਾਂ ਜਿਹੇ ਹਾਲਾਤ ਬਣ ਗਏ ਹਨ।
ਸਿਟੀ ਆਫ ਐਬਟਸਫੋਰਡ ਵੱਲੋਂ ਐਤਵਾਰ ਨੂੰ ਇੱਕ ਰਿਕਰੀਏਸ਼ਨ ਸੈਂਟਰ ਨੂੰ ਪੀੜਤ ਲੋਕਾਂ ਲਈ ਖੋਲ੍ਹਿਆ ਗਿਆ ਹੈ ਜਿੱਥੇ ਘਰਾਂ ਅਤੇ ਇਲਾਕਿਆਂ ਨੂੰ ਇਵੈਕੂਏਟ ਕਰ ਰਹੇ ਲੋਕ ਪਹੁੰਚ ਕਰ ਸਕਦੇ ਹਨ।
ਇਸ ਦੇ ਵਿੱਚ ਐਮਰਜੈਂਸੀ ਆਪ੍ਰੇਸ਼ਨਸ ਸੈਂਟਰ ਵੱਲੋਂ ਨਿੱਘਾ ਰੱਖਣ ਵਾਲਾ ਇਲਾਕਾ ਅਤੇ ਐਮਰਜੈਂਸੀ ਸੇਵਾਵਾਂ ਪ੍ਰਦਾਨ ਕਰਨ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਸਿਟੀ ਨੇ ਇਹ ਵੀ ਦੱਸਿਆ ਹੈ ਕਿ ਕਈ ਥਾਵਾਂ 'ਤੇ ਮੱਡ-ਸਲਾਈਡਸ ਕਾਰਨ ਰਾਹਗੀਰ ਫਸ ਗਏ ਹਨ ਅਤੇ ਅਜਿਹੇ ਲੋਕ ਇਸ ਸੈਂਟਰ 'ਚ ਪਹੁੰਚ ਕਰ ਸਕਦੇ ਹਨ।
ਰਾਹਾਂ 'ਚ ਫਸੇ ਅਤੇ ਘਰਾਂ ਨੂੰ ਖਾਲੀ ਕਰਨ ਲਈ ਮਜਬੂਰ ਹੋਏ ਲੋਕਾਂ ਨੂੰ ਇਸ ਸੈਂਟਰ 'ਚ ਸ਼ੈਲਟਰ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਬੀ.ਸੀ. ਦੇ ਦੱਖਣੀ ਤਟ 'ਤੇ ਲਗਾਤਾਰ 2 ਦਿਨ ਤਕ ਪਏ ਭਾਰੀ ਮੀਂਹ ਤੋਂ ਬਾਅਦ ਅੱਜ ਤੇਜ ਹਵਾਵਾਂ ਨੇ ਵੀ ਦਸਤਕ ਦਿੱਤੀ ਹੈ।
