15.17C Vancouver 15.17C VancouverSep 18, 2023 7:01 PM - The Canadian Press
ਪਿਛਲੇ ਚਾਰ ਸਾਲਾਂ ਤੋਂ ਵੈਨਕੂਵਰ ਆਈਲੈਂਡ ਰਾਈਡਿੰਗ ਦੀ ਨੁਮਾਇੰਦਗੀ ਕਰਨ ਵਾਲੇ ਬ੍ਰਿਟਿਸ਼ ਕੋਲੰਬੀਆ ਵਿਧਾਨ ਸਭਾ ਦੇ ਇੱਕ ਵਿਧਾਇਕ ਐਡਮ ਵਾਕਰ ਨੂੰ ਨਿਊ ਡੈਮੋਕਰੇਟ ਕਾਕਸ ਤੋਂ ਹਟਾ ਦਿੱਤਾ ਗਿਆ ਸੀ।
ਪ੍ਰੀਮੀਅਰ ਡੇਵਿਡ ਈਬੀ ਦਾ ਕਹਿਣਾ ਹੈ ਕਿ ਜੁਲਾਈ ਦੇ ਅਖੀਰ ਵਿੱਚ ਇੱਕ ਕਰਮਚਾਰੀ ਵੱਲੋਂ ਇੱਕ ਸ਼ਿਕਾਇਤ ਦੇ ਕਾਰਨ ਐਡਮ ਨੂੰ ਬਾਹਰ ਦਾ ਰਸਤਾ ਦਿਖਾਇਆ ਗਿਆ ਹੈ, ਪਰ ਇਸ ਮੁੱਦੇ ਵਿੱਚ ਪੁਲਿਸ ਜਾਂ ਜਿਨਸੀ ਪਰੇਸ਼ਾਨੀ ਸ਼ਾਮਲ ਨਹੀਂ ਹੈ।
ਈਬੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਫੈਸਲਾ ਕੀਤਾ ਹੈ ਕਿ ਮਿਸਟਰ ਵਾਕਰ ਹੁਣ ਸਰਕਾਰੀ ਕਾਕਸ ਦੇ ਮੈਂਬਰ ਨਹੀਂ ਰਹਿਣਗੇ ਤੇ ਨਾ ਹੀ ਉਹ ਹੁਣ ਸੰਸਦੀ ਸਕੱਤਰ ਹੋਣਗੇ।
ਈਬੀ ਦਾ ਕਹਿਣਾ ਹੈ ਕਿ ਉਹ ਇਸ ਮਾਮਲੇ ਬਾਰੇ ਹੋਰ ਜਾਣਕਾਰੀ ਨਹੀਂ ਸਾਂਝਾ ਕਰ ਸਕਦੇ, ਕਿਉਂਕਿ ਇਸਦੀ ਜਾਂਚ ਜਾਰੀ ਹੈ।
ਪ੍ਰੀਮੀਅਰ ਦਾ ਕਹਿਣਾ ਹੈ ਕਿ ਵਾਕਰ ਨੂੰ ਹਟਾਉਣ ਦੀ ਸਥਿਤੀ ਚੁਣੌਤੀਪੂਰਨ ਸੀ।
ਪ੍ਰੀਮੀਅਰ ਡੇਵਿਡ ਈਬੀ ਦਾ ਕਹਿਣਾ ਹੈ ਕਿ ਵਾਕਰ ਦੀ ਰਾਈਡਿੰਗ ਦੇ ਲੋਕਾਂ ਨੂੰ ਭਰੋਸਾ ਦਿਵਾਉਂਦੇ ਹਨ ਅਤੇ ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਉਹ ਜ਼ਿੰਮੇਵਾਰੀ ਨਾਲ ਇਸ ਪ੍ਰਕਿਰਿਆ ਦੀ ਪਾਲਣਾ ਕਰਨਗੇ।
ਜ਼ਿਕਰਯੋਗ ਹੈ ਕਿ ਵਾਕਰ ਨੂੰ 2020 ਵਿੱਚ ਵੈਨਕੂਵਰ ਆਈਲੈਂਡ ਵਿੱਚ ਪਾਰਕਸਵਿਲ ਕੁਆਲਿਕਮ ਦੀ ਰਾਈਡਿੰਗ ਦੀ ਨੁਮਾਇੰਦਗੀ ਕਰਨ ਲਈ ਸੂਬਾਈ ਵਿਧਾਨ ਸਭਾ ਲਈ ਚੁਣਿਆ ਗਿਆ ਸੀ।
ਉਹ ਪਹਿਲਾਂ ਕੁਆਲਿਕਮ ਬੀਚ ਵਿੱਚ ਨਗਰ ਕੌਂਸਲਰ ਸੀ।
