29.63C Vancouver 29.63C VancouverJun 23, 2021 4:35 PM -
ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ਟੂਲ ਮੁਤਾਬਕ ਉਹ ਦੇਸ਼ ਭਰ ਦੇ ਇੰਡੀਜਨਸ ਭਾਈਚਾਰੇ ਨਾਲ ਨਵੇਂ ਸੰਬੰਧ ਕਾਇਮ ਕਰਣ ਲਈ ਵਚਨਬੱਧ ਹਨ ਪਰ 1 ਜੁਲਾਈ ਨੂੰ ਕੈਨੇਡਾ ਡੇਅ ਨੂੰ ਰੱਦ ਕਰਨ ਦੀਆਂ ਕਾਰਕੁਨਾਂ ਦੀਆਂ ਕੋਸ਼ਿਸ਼ਾਂ ਦੇ ਵਿਰੁੱਧ ਕਾਇਮ ਹਨ।
ਓ’ਟੂਲ ਨੇ ਇਹ ਵਿਚਾਰ ਆਪਣੀ ਕੌਕਸ ਨਾਲ ਗਰਮੀਆਂ ਦੀ ਬ੍ਰੇਕ ਤੋਂ ਪਹਿਲਾਂ ਆਖਰੀ ਮੀਟਿੰਗ ਦੌਰਾਨ ਔਟਵਾ ਵਿੱਚ ਹਾਊਸ ਆਫ ਕਾਮਨਜ਼ ਵਿੱਚ ਸਾਂਝੇ ਕੀਤੇ।
ਉਨ੍ਹਾਂ ਕਿਹਾ ਕਿ ਬ੍ਰਿਟਿਸ਼ ਕੋਲੰਬੀਆ ਦੇ ਸਾਬਕਾ ਰੇਜ਼ੀਡੈਂਸ਼ਲ ਸਕੂਲ ਵਿੱਚ ਦਫ਼ਨ 215 ਇੰਡੀਜਨਸ ਬੱਚਿਆਂ ਦੀ ਵਾਰਦਾਤ ਸਾਰੇ ਦੇਸ਼ ਲਈ ਜਾਗਰੂਕ ਹੋਣ ਦਾ ਸਬਕ ਹੈ।
ਅਜਿਹੀਆਂ ਕਿਆਸਅਰਾਈਆਂ ਜ਼ੋਰਾਂ 'ਤੇ ਹਨ ਕਿ ਘੱਟਗਿਣਤੀ ਪਾਰਲੀਮੈਂਟ ਦੀ ਚੋਣ ਹੋ ਸਕਦੀ ਹੈ ਅਤੇ ਓ’ਟੂਲ ਨੇ ਵਾਅਦਾ ਕੀਤਾ ਕਿ ਉਨ੍ਹਾਂ ਦੀ ਅਗਵਾਈ ਵਾਲੀ ਸਰਕਾਰ ਇੰਡੀਜਨਸ ਲੋਕਾਂ ਨਾਲ ਨਵੇਂ ਸੰਬੰਧਾਂ ਨੂੰ ਸਮਰਪਿਤ ਹੋਵੇਗੀ।
ਕੰਜ਼ਰਵੇਟਿਵ ਨੇਤਾ ਦਾ ਕਹਿਣਾ ਹੈ ਕਿ ਇੰਡੀਜਨਸ ਲੋਕਾਂ ਨਾਲ ਦੇਸ਼ ਦੇ ਸਬੰਧਾਂ ਨੂੰ ਸੁਧਾਰਨ ਦੇ ਰਾਹ ਵਿੱਚ ਕੈਨੇਡਾ ਨੂੰ ਤਬਾਹ ਕਰਨ ਦੀਆਂ ਕੋਸ਼ਿਸ਼ਾਂ ਸ਼ਾਮਲ ਨਹੀਂ ਹਨ।
ਓ’ਟੂਲ ਨੇ ਕੁਝ ਲੋਕਾਂ ਵੱਲੋਂ ਕੈਨੇਡਾ ਦਿਵਸ ਦੇ ਜਸ਼ਨਾਂ ਨੂੰ ਰੱਦ ਕਰਨ ਦੀਆਂ ਆਵਾਜ਼ਾਂ ਦੇ ਵਿਰੁੱਧ ਬੋਲਿਆ ਅਤੇ ਕਾਰਕੁਨਾਂ ਦੇ "ਹਮੇਸ਼ਾ ਮਾੜਾ ਲੱਭਣ ਅਤੇ ਕਦੇ ਚੰਗਾ ਨਾਂ ਵੇਖਣ '' ਦੇ ਨਜ਼ਰੀਏ ਦਾ ਖੰਡਨ ਕੀਤਾ।
