7.91C Vancouver 7.91C VancouverNov 9, 2020 9:37 PM -
ਬੀ.ਸੀ. 'ਚ ਕਿਸੇ ਵੀ ਕਿਰਾਏ ਦੇ ਵਾਧੇ 'ਤੇ ਲੱਗੀ ਰੋਕ ਨੂੰ ਤੁਰੰਤ ਪ੍ਰਭਾਵ ਨਾਲ ਐਕਸਟੈਂਡ ਕੀਤਾ ਜਾ ਰਿਹਾ ਹੈ।
10 ਜੁਲਾਈ 2021 ਤੱਕ ਕੋਈ ਵੀ ਕਿਰਾਏ ਨਹੀਂ ਵਧਾਏ ਜਾ ਸਕਣਗੇ।
ਐਮਰਜੈਂਸੀ ਪ੍ਰੋਗਰਾਮ ਐਕਟ ਅਤੇ ਕੋਵਿਡ-19 ਸੰਬੰਧੀ ਐਕਟ ਦੇ ਤਹਿਤ ਇਹ ਫੈਸਲਾ ਲਿਆ ਗਿਆ ਹੈ।
ਫ਼ਿਲਹਾਲ ਇਹ ਇੱਕ ਅੰਤਰਿਮ ਨਿਰਦੇਸ਼ ਹੈ, ਜਿਸ ਨਾਲ ਕਿ ਕਿਰਾਏਦਾਰਾਂ ਅਤੇ ਮਾਲਿਕਾਂ ਨੂੰ ਐਡਵਾਂਸ ਨੋਟਿਸ ਮਿਲ ਸਕੇ।
1 ਦਿਸੰਬਰ 2020 ਨੂੰ ਹੋਣ ਵਾਲੇ ਕਿਰਾਏ ਦੇ ਵਾਧੇ 'ਤੇ ਫ਼ਿਲਹਾਲ ਰੋਕ ਲਗਾ ਦਿੱਤੀ ਗਈ ਹੈ।
ਜੁਲਾਈ ਵੇਲੇ ਤੱਕ ਦੇ ਪੈਂਡਿੰਗ ਪਏ ਕਿਰਾਏ ਦੇ ਵਾਧੇ ਵੀ ਰੋਕ ਦਿੱਤੇ ਗਏ ਹਨ। ਮਿਊਨਿਸਪਲ ਅਫੇਅਰਸ ਅਤੇ ਹਾਊਸਿੰਗ ਮੰਤਰੀ, ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ, "ਅਸੀਂ ਜਾਣਦੇ ਹਾਂ ਕਿ, ਬਹੁਤ ਸਾਰੇ ਕਿਰਾਏਦਾਰ ਅਜੇ ਵੀ ਇੰਕਮ ਦੀ ਘਾਟ ਤੋਂ ਪ੍ਰਭਾਵਿਤ ਹਨ, ਅਤੇ ਕਿਰਾਏ 'ਚ ਛੋਟਾ ਜਿਹਾ ਵਾਧਾ ਵੀ ਉਨ੍ਹਾਂ ਲਈ ਮੁਸ਼ਕਿਲ ਖੜੀ ਕਰ ਸਕਦਾ ਹੈ।"
ਉਨ੍ਹਾਂ ਕਿਹਾ ਕਿ ਇਸੇ ਕਾਰਨ ਕਿਰਾਏਦਾਰਾਂ ਨੂੰ ਪੈਂਡੇਮਿਕ ਦਰਮਿਆਨ ਵਧੇਰੇ ਸਿਕਿਉਰਿਟੀ ਪ੍ਰਦਾਨ ਕਰਨ ਲਈ ਕਿਰਾਏ ਦੇ ਵਾਧੇ ਨੂੰ ਫ੍ਰੀਜ਼ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਮੁਸ਼ਕਿਲ ਦੀ ਇਸ ਘੜੀ 'ਚ ਸਾਰੇ ਲੋਕ ਇਕੱਠੇ ਹਨ ਅਤੇ ਮਾਲਿਕਾਂ ਅਤੇ ਕਿਰਾਏਦਾਰਾਂ ਲਈ ਜ਼ਰੂਰੀ ਹੈ ਕਿ ਉਹ ਆਪਣੇ ਘਰਾਂ 'ਚ ਰਹਿ ਸਕਣ।
ਯਾਦ ਰਹੇ ਸੂਬਾ ਸਰਕਾਰ ਨੇ ਰੈਂਟ 'ਚ ਵਾਧੇ 'ਤੇ ਰੋਕ 18 ਮਾਰਚ 2020 ਨੂੰ ਐਲਾਨੀ ਸੀ ਅਤੇ ਇਸ ਦਾ ਅੰਤ 1 ਦਿਸੰਬਰ ਨੂੰ ਹੋਣਾ ਸੀ।
