18.08C Vancouver 18.08C VancouverSep 26, 2025 5:09 PM - Connect Newsroom
ਨਨਾਈਮੋ ਪੁਲਿਸ ਨੇ ਇੱਕ ਰਿਪੀਟ ਓਫੈਂਡਰ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਉਤੇ ਲੁੱਟ, ਚੋਰੀ ਅਤੇ ਧਮਕੀਆਂ ਦੇ ਦਰਜਨ ਮਾਮਲੇ ਦਰਜ ਹਨ। ਪੁਲਿਸ ਨੇ ਕਿਹਾ ਕਿ 48 ਸਾਲਾ ਜੇਸਨ ਡਿਰਾਡੋ ਖਿਲਾਫ ਜਾਂਚ 4 ਜੁਲਾਈ ਦੀ ਇੱਕ ਘਟਨਾ ਮਗਰੋਂ ਸ਼ੁਰੂ ਹੋਈ, ਜਿਸ ਵਿਚ ਉਸ ਨੇ ਕਿਸੇ ਨੌਜਵਾਨ ਦਾ ਸਾਈਕਲ ਚੋਰੀ ਕੀਤਾ ਸੀ।
ਵਿਸ਼ੇਸ਼ ਜਾਂਚ ਅਤੇ ਟਾਰਗੇਟਡ ਇਨਫੋਰਸਮੈਂਟ ਯੂਨਿਟ ਨੂੰ ਉਸ ਸਮੇਂ ਸਫਲਤਾ ਮਿਲੀ ਜਦੋਂ 24 ਅਗਸਤ ਨੂੰ ਡਿਰਾਡੋ ਨੂੰ ਇੱਕ ਲੋਕਲ ਸੇਵ ਔਨ ਫੂਡ ਵਿਚ ਚੋਰੀ ਦੇ ਦੋਸ਼ ਵਿਚ ਗ੍ਰਿਫਤਾਰ ਕੀਤਾ ਗਿਆ। ਆਰੋਪ ਹੈ ਕਿ ਘਟਨਾ ਦੌਰਾਨ ਉਸ ਨੇ ਹੈਂਡਗਨ ਵੀ ਦਿਖਾਈ ਸੀ।
ਨਨਾਈਮੋ ਪੁਲਿਸ ਨੇ ਕਿਹਾ ਕਿ ਡਿਰਾਡੋ 'ਤੇ 13 ਮਾਮਲੇ ਦਰਜ ਹਨ, ਜਿਸ ਵਿਚ ਲੁੱਟ-ਖੋਹ, ਚੋਰੀ, ਧਮਕੀਆਂ ਦੇਣ ਅਤੇ ਹਮਲੇ ਦਾ ਇੱਕ ਮਾਮਲਾ ਸ਼ਾਮਲ ਹੈ। ਪੁਲਿਸ ਨੇ ਕਿਹਾ ਕਿ ਸ਼ੱਕੀ ਹਿਰਾਸਤ ਵਿਚ ਹੈ ਅਤੇ ਉਸ ਦਾ ਕੋਈ ਪੱਕਾ ਪਤਾ ਨਹੀਂ ਹੈ, ਉਸ ਦੀ ਅਗਲੀ ਅਦਾਲਤੀ ਪੇਸ਼ੀ 7 ਅਕਤੂਬਰ ਨੂੰ ਨਨਾਈਮੋ ਪ੍ਰੋਵਿੰਸ਼ੀਅਲ ਕੋਰਟ ਵਿਚ ਹੋਵੇਗੀ।
