ਫਿਲੀਪੀਨਜ਼ 'ਚ 6.9 ਤੀਬਰਤਾ ਨਾਲ ਆਇਆ ਭੂਚਾਲ, 69 ਲੋਕਾਂ ਦੀ ਮੌਤ

ਫਿਲੀਪੀਨਜ਼ ਦੇ ਸੇਬੂ ਸੂਬੇ ਵਿੱਚ ਮੰਗਲਵਾਰ ਰਾਤ ਨੂੰ 6.9 ਤੀਬਰਤਾ ਦੇ ਭੂਚਾਲ ਆਇਆ, ਜਿਸ ਵਿੱਚ 69 ਲੋਕ ਮਾਰੇ ਗਏ ਅਤੇ ਲਗਭਗ 150 ਜ਼ਖਮੀ ਹੋ ਗਏ।ਰਿਪੋਰਟ ਦੇ ਅਨੁਸਾਰ, ਮਰਨ ਵਾਲਿਆਂ ਦੀ ਗਿਣਤੀ ਵਧਣ ਦਾ ਖਦਸ਼ਾ ਹੈ। ਹੁਣ ਤੱਕ ਕਈ ਲੋਕਾਂ ਨੂੰ ਮਲਬੇ ਵਿੱਚੋਂ ਕੱਢਿਆ ਗਿਆ ਹੈ।

ਬਚਾਅ ਟੀਮਾਂ ਮੰਗਲਵਾਰ ਰਾਤ ਤੋਂ ਬਚਾਅ ਕਾਰਜ ਚਲਾ ਰਹੀਆਂ ਹਨ। ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ ਨੇ ਸ਼ੁਰੂ ਵਿੱਚ ਭੂਚਾਲ ਨੂੰ 7.0 ਤੀਬਰਤਾ ਦਾ ਭੂਚਾਲ ਦੱਸਿਆ ਸੀ, ਪਰ ਬਾਅਦ ਵਿੱਚ ਇਸਨੂੰ ਸੋਧ ਕੇ 6.9 ਕਰ ਦਿੱਤਾ।

ਭੂਚਾਲ ਦਾ ਕੇਂਦਰ ਸੇਬੂ ਟਾਪੂ 'ਤੇ ਬੋਗੋ ਸ਼ਹਿਰ ਦੇ ਨੇੜੇ ਸੀ, ਜਿਸਦੀ ਆਬਾਦੀ 90,000 ਹੈ। ਪਹਿਲੇ ਝਟਕੇ ਤੋਂ ਬਾਅਦ ਬਾਅਦ, ਖੇਤਰ ਵਿੱਚ 5 ਜਾਂ ਇਸ ਤੋਂ ਵੱਧ ਤੀਬਰਤਾ ਦੇ ਚਾਰ ਹੋਰ ਝਟਕੇ ਮਹਿਸੂਸ ਕੀਤੇ ਗਏ। ਭੂਚਾਲ ਦੇ ਝਟਕੇ ਮਹਿਸੂਸ ਹੁੰਦੇ ਹੀ ਲੋਕ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ।