13.51C Vancouver 13.51C VancouverMay 11, 2021 2:18 AM -
ਰਿਚਮੰਡ ਆਰ.ਸੀ.ਐਮ.ਪੀ. ਨੂੰ ਹੁਣ ਟਰੈਫਿਕ ਇੰਟਸੈਕਸ਼ਨਸ ਦੇ ਵੀਡੀਓ ਕੈਮਰਾਸ ਦਾ ਐਕਸੈਸ ਹਾਸਿਲ ਹੋ ਗਿਆ ਹੈ।
ਕਈ ਮਹੀਨਿਆਂ ਤੋਂ ਸਿਟੀ ਆਫ ਰਿਚਮੰਡ ਵੱਲੋਂ ਇੰਟਰਸੈਕਸ਼ਨ ਵੀਡੀਓ ਕੈਮਰਾਸ ਨੂੰ ਇੰਸਟਾਲ ਕੀਤਾ ਜਾ ਰਿਹਾ ਸੀ।
ਇਸ ਦੌਰਾਨ 110 ਅਹਿਮ ਟਰੈਫਿਕ ਇੰਟਰਸੈਕਸ਼ਨਸ 'ਤੇ ਵੀਡੀਓ ਕੈਮਰਾ ਲਗਾਏ ਗਏ ਹਨ।
28 ਅਪ੍ਰੈਲ ਤੋਂ ਇਹਨਾਂ ਕੈਮਰਾਸ ਦੀ ਰਿਕਾਰਡਿੰਗ ਸ਼ੁਰੂ ਹੋ ਗਈ ਹੈ।
ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਆਫਿਸਰ ਇਨ ਚਾਰਜ, ਚੀਫ ਸੁਪਰਡੈਂਟ ਵਿਲ ਐਂਗ ਦਾ ਕਹਿਣਾ ਸੀ ਕਿ ਲੋਕਾਂ ਦੀ ਸੁਰੱਖਿਆ ਲਈ ਇਹ ਇੱਕ ਅਹਿਮ ਕਦਮ ਹੈ।
ਉਨ੍ਹਾਂ ਕਿਹਾ ਕਿ ਖਾਸ ਤੌਰ 'ਤੇ ਟਰੈਫਿਕ ਸੇਫਟੀ ਲਈ ਇਹ ਅਹਿਮ ਹੈ।
ਸਿਟੀ ਆਫ ਰਿਚਮੰਡ ਦਾ ਕਹਿਣਾ ਹੈ ਕਿ ਸਖਤ ਕਨੂੰਨੀ ਦਿਸ਼ਾ-ਨਿਰਦੇਸ਼ਾਂ ਹੇਠ ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਜਾਂਚ ਅਧਿਕਾਰੀ ਕੈਮਰਾਸ 'ਤੇ ਕੈਦ ਹੋਈ ਫੁਟੇਜ ਨੂੰ ਰਿਕਾਰਡਿੰਗ ਦੇ 20 ਦਿਨਾਂ ਵਿਚਾਲੇ ਹਾਸਿਲ ਕਰ ਸਕਣਗੇ।
ਚੀਫ਼ ਸੁਪਰਡੈਂਟ ਐਂਗ ਦਾ ਕਹਿਣਾ ਹੈ ਕਿ ਵੀਡੀਓ ਸਬੂਤਾਂ ਤਕ ਪਹੁੰਚ ਹੋਣ ਦੇ ਆਸਰੇ ਪੁਲਿਸ ਜਾਂਚ ਦੀ ਕਵਾਲਿਟੀ 'ਚ ਵੱਡੇ ਸੁਧਾਰ ਵੇਖਣ ਨੂੰ ਮਿਲਣਗੇ।
