14.99C Vancouver 14.99C VancouverNov 26, 2025 2:08 PM - Connect Newsroom - Ramandeep Kaur
ਰਿਚਮੰਡ ਆਰ.ਸੀ.ਐਮ.ਪੀ.ਨੇ ਰਿਟੇਲ ਸਟੋਰਾਂ ਵਿਚ ਚੋਰੀ ਕਰਨ ਦੇ ਮਾਮਲੇ ਵਿਚ 10 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਕਾਰਵਾਈ 12 ਨਵੰਬਰ ਨੂੰ ਬੂਸਟ ਐਂਡ ਬਸਟ ਓਪਰੇਸ਼ਨ ਤਹਿਤ ਕੀਤੀ ਗਈ,ਇਹ ਵਿਸ਼ੇਸ਼ ਓਪਰੇਸ਼ਨ ਲੋਕਲ ਆਰ.ਸੀ.ਐਮ.ਪੀ.ਦੇ ਫਰੰਟਲਾਈਨ ਅਧਿਕਾਰੀ,ਪ੍ਰੋਪਰਟੀ ਕ੍ਰਾਈਮ ਯੂਨਿਟ ਅਤੇ ਸਥਾਨਕ ਕਾਰੋਬਾਰਾਂ ਦੇ ਸਹਿਯੋਗ ਨਾਲ ਚਲਾਇਆ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿਚੋਂ ਜ਼ਿਆਦਾਤਰ ਰਿਚਮੰਡ ਤੋਂ ਬਾਹਰ ਦੇ ਵਸਨੀਕ ਹਨ ਅਤੇ ਇਨ੍ਹਾਂ ਖਿਲਾਫ਼ ਅਪਰਾਧਿਕ ਦੋਸ਼ ਲਗਾਏ ਜਾਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਰਿਚਮੰਡ ਆਰ.ਸੀ.ਐਮ.ਪੀ.ਦੇ ਸਟਾਫ ਸਾਰਜੈਂਟ ਸਾਈਮਨ ਲੀ ਨੇ ਕਿਹਾ ਕਿ ਪੁਲਿਸ ਨੇ ਲਗਭਗ $3,000 ਮੁੱਲ ਦਾ ਚੋਰੀ ਹੋਇਆ ਸਾਮਾਨ ਬਰਾਮਦ ਕੀਤਾ,ਇਨ੍ਹਾਂ ਚੀਜ਼ਾਂ ਵਿਚ ਕੱਪੜੇ ਅਤੇ ਖਾਣ ਪੀਣ ਦਾ ਸਾਮਾਨ ਮੁੱਖ ਤੌਰ 'ਤੇ ਸ਼ਾਮਲ ਸਨ।
ਪੁਲਿਸ ਨੇ ਕਿਸੇ ਵੀ ਸ਼ੱਕੀ ਦੇ ਨਾਮ ਜਾਂ ਉਹ ਕਿਥੋਂ ਦੇ ਸਨ ਇਸ ਦਾ ਖੁਲਾਸਾ ਨਹੀਂ ਕੀਤਾ। ਗੌਰਤਲਬ ਹੈ ਕਿ ਰਿਚਮੰਡ ਆਰ.ਸੀ.ਐਮ.ਪੀ.ਦੇ ਅਪਰਾਧ ਵਿਸ਼ਲੇਸ਼ਕ ਨੇ ਡਾਊਨਟਾਊਨ ਕੋਰ ਵਿਚ ਰਿਟੇਲ ਚੋਰੀ ਨੂੰ ਇੱਕ ਲਗਾਤਾਰ ਚੱਲ ਰਹੀ ਸਮੱਸਿਆ ਵਜੋਂ ਪਛਾਣਿਆ ਹੈ। ਇਸ ਡਾਟਾ ਦੇ ਆਧਾਰ 'ਤੇ ਆਰ.ਸੀ.ਐਮ.ਪੀ.ਸਾਰਾ ਸਾਲ ਨਿਯਮਿਤ ਤੌਰ 'ਤੇ ਇੱਥੇ 'ਬੂਸਟ ਐਂਡ ਬਸਟ'ਓਪ੍ਰੇਸ਼ਨ ਚਲਾਉਂਦੀ ਹੈ।
