Richmond RCMP probe suspected organized retail meat thefts after 39 reported cases

Mar 20, 2026 5:23 PM - Connect Newsroom - Ramandeep Kaur with files from The Canadian Press

ਰਿਚਮੰਡ 'ਚ ਮਾਸ ਦੀ ਚੋਰੀ ਦੇ 39 ਮਾਮਲੇ ਆਏ ਸਾਹਮਣੇ, ਪੁਲਿਸ ਵੱਲੋਂ ਕੀਤੀ ਜਾ ਰਹੀ ਜਾਂਚ

Share On

richmond-rcmp-probe-suspected-organized-retail-meat-thefts-after-39-reported-cases

Packaged meat products are displayed at a grocery store, as Richmond RCMP investigate a series of thefts across the city.(Photo: The Canadian Press)

ਰਿਚਮੰਡ ਆਰ.ਸੀ.ਐਮ.ਪੀ. ਵੱਲੋਂ ਸ਼ਹਿਰ ਵਿਚ ਮੀਟ ਦੀ ਚੋਰੀ ਦੀਆਂ ਵਧਦੀਆਂ ਘਟਨਾਵਾਂ ਨੂੰ ਲੈ ਕੇ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਪੁਲਿਸ ਮੁਤਾਬਕ, ਇਹ ਮਹਿਜ਼ ਮਾਮੂਲੀ ਚੋਰੀਆਂ ਨਹੀਂ ਹਨ ਬਲਕਿ ਇਨ੍ਹਾਂ ਪਿੱਛੇ ਕਿਸੇ ਸੰਗਠਿਤ ਗਿਰੋਹ ਦਾ ਹੱਥ ਹੋ ਸਕਦਾ ਹੈ।

ਰਿਚਮੰਡ ਵਿਚ ਦਸੰਬਰ ਤੋਂ ਹੁਣ ਤੱਕ ਰਿਟੇਲ ਸਟੋਰਾਂ ਤੋਂ ਮੀਟ ਚੋਰੀ ਹੋਣ ਦੀਆਂ 39 ਰਿਪੋਰਟਾਂ ਸਾਹਮਣੇ ਆਈਆਂ ਹਨ। ਪਿਛਲੇ ਚਾਰ ਮਹੀਨਿਆਂ ਦੇ ਅੰਕੜਿਆਂ ਮੁਤਾਬਕ, ਹਰ ਮਹੀਨੇ ਲਗਭਗ 10 ਚੋਰੀਆਂ ਜਾਂ ਹਰ ਤਿੰਨ ਦਿਨਾਂ ਬਾਅਦ ਇੱਕ ਘਟਨਾ ਵਾਪਰੀ ਹੈ। ਆਰ.ਸੀ.ਐਮ.ਪੀ. ਦਾ ਮੰਨਣਾ ਹੈ ਕਿ ਇਹ ਮੀਟ ਅੱਗੇ ਵੇਚਣ ਦੇ ਮਕਸਦ ਨਾਲ ਚੋਰੀ ਕੀਤਾ ਜਾ ਰਿਹਾ ਹੈ।

ਪੁਲਿਸ ਨੇ ਜਨਤਾ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਵੀ ਗੈਰ-ਭਰੋਸੇਮੰਦ ਜਾਂ ਗੈਰ-ਕਾਨੂੰਨੀ ਸਰੋਤ ਤੋਂ ਮੀਟ ਨਾ ਖਰੀਦਣ। ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਕਿਹਾ ਹੈ ਕਿ ਚੋਰੀ ਕੀਤਾ ਮੀਟ ਸਿਹਤ ਲਈ ਖ਼ਤਰਨਾਕ ਹੋ ਸਕਦਾ ਹੈ। ਕਾਂਸਟੇਬਲ ਫਰੈਂਕ ਬ੍ਰਾਇਸਨ ਨੇ ਕਿਹਾ ਕਿ ਪੁਲਿਸ ਇਨ੍ਹਾਂ ਮਾਮਲਿਆਂ ਨੂੰ ਰੋਕਣ ਲਈ ਵਾਧੂ ਸਾਧਨ ਲਗਾ ਰਹੀ ਹੈ।