17.43C Vancouver 17.43C VancouverAug 29, 2025 7:48 PM - Connect Newsroom
ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਵਿਦਿਆਰਥੀਆਂ ਦੇ ਸਕੂਲ ਵਾਪਸ ਆਉਣ ਦੇ ਮੱਦੇਨਜ਼ਰ ਡਰਾਈਵਰਾਂ ਨੂੰ ਹੌਲੀ ਰਫ਼ਤਾਰ ਨਾਲ ਗੱਡੀ ਚਲਾਉਣ ਦੀ ਹਦਾਇਤ ਕੀਤੀ ਹੈ। ਪੁਲਿਸ ਨੇ ਕਿਹਾ ਕਿ ਸਤੰਬਰ ਵਿਚ ਸਕੂਲ ਸ਼ੁਰੂ ਹੋਣ ਦੇ ਨਾਲ ਹੀ ਸੜਕਾਂ ਹੋਰ ਵੀ ਵਿਅਸਤ ਹੋਣ ਵਾਲੀਆਂ ਹਨ।
ਇਸ ਲਈ ਡਰਾਈਵਰਾਂ ਨੂੰ ਯਾਦ ਦਿਵਾਇਆ ਜਾਂਦਾ ਹੈ ਕਿ ਉਹ ਯਾਤਰਾ ਲਈ ਵਾਧੂ ਸਮਾਂ ਕੱਢਣ, ਸਪੀਡ ਘਟਾਉਣ ਅਤੇ ਗੱਡੀ ਚਲਾਉਂਦੇ ਸਮੇਂ ਆਪਣੇ ਫ਼ੋਨ ਦੀ ਵਰਤੋਂ ਕਰਨ ਤੋਂ ਬਚਣ, ਖਾਸ ਕਰ ਸਕੂਲਾਂ, ਪਾਰਕਾਂ ਅਤੇ ਰਿਹਾਇਸ਼ੀ ਖੇਤਰਾਂ ਦੇ ਨੇੜੇ ਹੋਰ ਵੀ ਧਿਆਨ ਦਿੱਤਾ ਜਾਵੇ।
ਵੱਖ-ਵੱਖ ਸ਼ਹਿਰਾਂ ਦੀ ਪੁਲਿਸ ਵਲੋਂ ਇਹ ਬੇਨਤੀਆਂ ਉਦੋਂ ਕੀਤੀਆਂ ਜਾ ਰਹੀਆਂ ਹਨ ਜਦੋਂ ਆਈ.ਸੀ.ਬੀ.ਸੀ. ਦੇ ਅੰਕੜੇ ਦੱਸਦੇ ਹਨ ਕਿ ਬੀ. ਸੀ. ਵਿਚ ਹਰ ਸਾਲ ਪੈਦਲ ਜਾਂ ਸਾਈਕਲ ਚੱਲਣ ਵਾਲਿਆਂ ਨਾਲ ਵਾਪਰਦੀਆਂ ਘਟਨਾਵਾਂ ਵਿਚ ਤਿੰਨ ਦੇ ਕਰੀਬ ਬੱਚੇ ਮਾਰੇ ਜਾਂਦੇ ਹਨ ਅਤੇ 400 ਦੇ ਕਰੀਬ ਜ਼ਖਮੀ ਹੁੰਦੇ ਹਨ।
ਇਨ੍ਹਾਂ ਵਿਚੋਂ 50 ਦੇ ਲਗਭਗ ਦੁਰਘਟਨਾਵਾਂ ਸਤੰਬਰ ਵਿਚ ਹੁੰਦੀਆਂ ਹਨ, ਜੋ ਕਿਸੇ ਵੀ ਮਹੀਨੇ ਦੀ ਤੁਲਨਾ ਵਿਚ ਸਭ ਤੋਂ ਜ਼ਿਆਦਾ ਹਨ। ਰਿਚਮੰਡ ਆਰ.ਸੀ.ਐਮ.ਪੀ. ਅਧਿਕਾਰੀ ਅਤੇ ਵਾਲੰਟੀਅਰਾਂ ਨੇ ਸਕੂਲਾਂ ਦੇ ਆਸਪਾਸ ਵਧੇਰੇ ਟਾਰਗੇਟ ਕਾਰਵਾਈ ਲਈ ਆਈ.ਸੀ.ਬੀ.ਸੀ. ਨਾਲ ਸਾਂਝੇਦਾਰੀ ਕੀਤੀ ਹੈ।
