ਰਿਚਮੰਡ ਪੁਲਿਸ ਨੇ ਹੈਲੋਵੀਨ ਦੇ ਮੱਦੇਨਜ਼ਰ ਵਧਾਈ ਸੁਰੱਖਿਆ

ਸਰੀ ਪੁਲਿਸ ਸਰਵਿਸ ਅਤੇ ਰਿਚਮੰਡ ਪੁਲਿਸ ਨੇ ਹੈਲੋਵੀਨ ਦੇ ਮੱਦੇਨਜ਼ਰ homeowners, trick-or-treaters ਅਤੇ ਡਾਇਵਰ ਨੂੰ ਸੇਫਟੀ ਬਾਰੇ ਚੌਕੰਨੇ ਰਹਿਣ ਦੀ ਸਲਾਹ ਦਿੱਤੀ ਹੈ। ਐਸ.ਪੀ.ਐਸ. ਨੇ homeowners ਨੂੰ ਕਿਹਾ ਹੈ ਕਿ ਜੇ ਤੁਸੀਂ ਇਸ ਮੌਕੇ ਕੋਈ ਸ਼ੱਕੀ ਜਾਂ ਗੈਰ-ਕਾਨੂੰਨੀ ਗਤੀਵਿਧੀ ਦੇਖਦੇ ਹੋ ਤਾਂ ਗੈਰ-ਐਮਰਜੈਂਸੀ ਲਾਈਨ ਰਾਹੀਂ ਪੁਲਿਸ ਨੂੰ ਤੁਰੰਤ ਸੂਚਿਤ ਕੀਤਾ ਜਾਵੇ।

ਬੱਚਿਆਂ ਅਤੇ ਮਾਪਿਆਂ ਲਈ ਐਸ.ਪੀ.ਐਸ.ਨੇ ਕਿਹਾ ਹੈ ਕਿ ਪਰਿਵਾਰਾਂ ਨੂੰ ਬੱਚਿਆਂ ਨਾਲ ਰੂਟ ਬਾਰੇ ਚਰਚਾ ਕਰਨੀ ਚਾਹੀਦੀ ਹੈ ਅਤੇ ਵਾਪਸੀ ਦਾ ਸਮਾਂ ਨਿਰਧਾਰਤ ਕਰਨਾ ਚਾਹੀਦਾ ਹੈ। ਇਸ ਵਿਚ ਕਿਸੇ ਅਜਨਬੀ ਤੋਂ ਕੈਂਡੀ ਲੈਣ ਦੀ ਚਿਤਾਵਨੀ ਵੀ ਸ਼ਾਮਲ ਹੈ। ਡਰਾਈਵਰਾਂ ਨੂੰ ਸਪੀਡ ਹੌਲੀ ਰੱਖਣ ਅਤੇ ਧਿਆਨ ਨਾਲ ਚੱਲਣ ਦੀ ਅਪੀਲ ਕੀਤੀ ਗਈ ਹੈ।

ਉਥੇ ਹੀ, ਰਿਚਮੰਡ ਪੁਲਿਸ ਨੇ ਕਿਹਾ ਕਿ ਉਸ ਦੇ ਅਧਿਕਾਰੀ ਕਿਸੇ ਵੀ ਸ਼ੱਕੀ ਗਤੀਵਿਧੀ ਨੂੰ ਰੋਕਣ ਅਤੇ ਪਟਾਕਿਆਂ 'ਤੇ ਰਿਚਮੰਡ ਦੀ ਜ਼ੀਰੋ ਟਾਲਰੈਂਸ਼ ਪੌਲਿਸੀ ਨੂੰ ਯਕੀਨੀ ਬਣਾਉਣ ਲਈ ਪੈਟਰੋਲਿੰਗ ਵੀ ਕਰਨਗੇ। ਰਿਚਮੰਡ ਦੇ ਫਾਇਰ ਪ੍ਰੋਟੈਕਸ਼ਨ ਅਤੇ ਲਾਈਫ ਸੇਫਟੀ ਬਾਏਲਾਅ ਤਹਿਤ ਫਾਇਰ ਵਰਕਜ਼ ਦੇ ਮਾਮਲੇ ਵਿਚ $400 ਤੋਂ ਲੈ ਕੇ$1,000 ਤੱਕ ਦਾ ਜੁਰਮਾਨਾ ਕੀਤਾ ਜਾ ਸਕਦਾ ਹੈ।