13.9C Vancouver 13.9C VancouverNov 12, 2021 8:24 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਯੁਵਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਸ਼ੱਕੀ ਦੀ ਉਮਰ 28 ਸਾਲ ਦੱਸੀ ਗਈ ਹੈ।
ਕਥਿਤ ਤੌਰ 'ਤੇ ਇਸ ਵਿਅਕਤੀ ਨੇ ਵਾਲੀ ਇਲਾਕੇ 'ਚ ਇੱਕੋ ਬੈਂਕ 'ਚ 2 ਵਾਰ ਡਾਕਾ ਮਾਰਿਆ ਸੀ।
ਦੋਵਾਂ ਘਟਨਾਵਾਂ ਨੂੰ ਕੁਝ ਹੀ ਹਫਤਿਆਂ ਦੇ ਫਰਕ 'ਤੇ ਅੰਜਾਮ ਦਿੱਤਾ ਗਿਆ।
16 ਅਕਤੂਬਰ ਨੂੰ ਪੁਲਿਸ ਨੂੰ ਕਿੰਗ ਜੌਰਜ ਬੁਲੇਵਾਰਡ ਦੇ 10200 ਬਲੌਕ 'ਤੇ ਸਥਿਤ ਬੈਂਕ ਵਿੱਚ ਡਕੈਤੀ ਦੀ ਜਾਣਕਾਰੀ ਮਿਲੀ ਸੀ।
ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਸ਼ੱਕੀ ਕੈਸ਼ ਲੈਕੇ ਫਰਾਰ ਹੋ ਗਿਆ ਸੀ।
ਸਰੀ ਆਰ.ਸੀ.ਐਮ.ਪੀ. ਦੀ ਰੌਬਰੀ ਯੂਨਿਟ ਨੇ ਇਲਾਕੇ 'ਚ ਪੁੱਛਗਿੱਛ ਤੋਂ ਬਾਅਦ ਸ਼ੱਕੀ ਦੀ ਇੱਕ ਤਸਵੀਰ ਹਾਸਿਲ ਕਰ ਲਈ ਸੀ।
ਇਹ ਤਸਵੀਰ ਇਲਾਕੇ ਦੀਆਂ ਸਾਰੀਆਂ ਪੁਲਿਸ ਅਜੈਂਸੀਆਂ ਨਾਲ ਸਾਂਝੀ ਕੀਤੀ ਗਈ।
30 ਅਕਤੂਬਰ ਨੂੰ ਰੌਬਰੀ ਯੂਨਿਟ ਇਸ ਸ਼ੱਕੀ ਖਿਲਾਫ ਵਾਰੰਟ ਹਾਸਿਲ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ ਜਦ ਉਸੇ ਬੈਂਕ 'ਚ ਫਿਰ ਤੋਂ ਡਕੈਤੀ ਦੀ ਜਾਣਕਾਰੀ ਮਿਲੀ।
ਸ਼ੱਕੀ ਫਿਰ ਤੋਂ ਫੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਦੌੜ ਨਿਕਲਿਆ।
ਪੁੱਛਗਿੱਛ ਦੌਰਾਨ ਰੌਬਰੀ ਯੂਨਿਟ ਨੂੰ ਪਤਾ ਲੱਗਿਆ ਕਿ ਘਟਨਾ ਨੂੰ ਪਹਿਲਾਂ ਡਾਕਾ ਮਾਰਨ ਵਾਲੇ ਵਿਅਕਤੀ ਨੇ ਅੰਜਾਮ ਦਿੱਤਾ ਸੀ।
ਇਸ ਮਾਮਲੇ 'ਚ 5 ਨਵੰਬਰ ਨੂੰ ਪੁਲਿਸ ਨੇ 28 ਸਾਲਾ ਜੇਸਨ ਬੈਹਰਨਸ ਖਿਲਾਫ ਡਾਕੇ ਸੰਬੰਧੀ 2 ਦੋਸ਼ ਤੈਅ ਕੀਤੇ।
7 ਨਵੰਬਰ ਨੂੰ ਇਸ ਯੁਵਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਸ਼ੱਕੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
