ਰੋਜਰਸ ਨੇ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਜਿੱਤਿਆ ਸੋਨ ਤਗਮਾ

ਕੈਨੇਡਾ ਦੀ ਕੈਮਰਨ ਰੋਜਰਸ ਨੇ ਟੋਕੀਓ ਵਿਚ ਮਹਿਲਾਵਾਂ ਦੇ ਹੈਮਰ ਥ੍ਰੋਅ ਵਿਚ ਗੋਲਡ ਮੈਡਲ ਹਾਸਲ ਕੀਤਾ ਹੈ। ਰੋਜਰਸ ਨੇ ਸੋਮਵਾਰ ਨੂੰ ਜਪਾਨ ਨੈਸ਼ਨਲ ਸਟੇਡੀਅਮ ਵਿਚ 80.51 ਮੀਟਰ ਦੀ ਥਰੋਅ ਸੁੱਟੀ, ਜਿਸ ਨਾਲ ਉਨ੍ਹਾਂ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿਚ ਆਪਣਾ ਹੀ ਕੈਨੇਡੀਅਨ ਰਿਕਾਰਡ ਤੋੜ ਦਿੱਤਾ। ਰੋਜਰਸ ਬੀ.ਸੀ.ਦੇ ਰਿਚਮੰਡ ਦੀ ਰਹਿਣ ਵਾਲੀ ਹੈ।

ਇਸ ਮੁਕਾਬਲੇ ਵਿਚ 77.60 ਮੀਟਰ ਦੀ ਥ੍ਰੋਅ ਨਾਲ ਦੂਜੇ ਨੰਬਰ ਉਤੇ ਚੀਨ ਦੀ Zhao Jie ਰਹੀ ਅਤੇ ਇੱਕ ਹੋਰ ਚਾਈਨਿਜ਼ ਥਰੋਅ ਖਿਡਾਰੀ Zhang Jaile ਨੇ 77.10 ਮੀਟਰ ਦੇ ਨਾਲ ਤੀਜਾ ਸਥਾਨ ਹਾਸਲ ਕੀਤਾ।

26 ਸਾਲਾ ਰੋਜਰਸ ਕੋਲ ਹੁਣ ਦੋ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਗੋਲਡ ਮੈਡਲ ਹੋ ਗਏ ਹਨ, ਇੱਕ ਉਹਨਾਂ 2024 ਦੀਆਂ ਪੈਰਿਸ ਖੇਡਾਂ ਵਿਚ ਹਾਸਲ ਕੀਤਾ ਸੀ। ਟੋਕੀਓ ਵਿਚ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿਚ ਇਹ ਕੈਨੇਡਾ ਦਾ ਦੂਜਾ ਮੈਡਲ ਵੀ ਹੈ, ਸ਼ਨੀਵਾਰ ਨੂੰ ਕੈਨੇਡੀਅਨ ਰੇਸ ਵਾਕਰ ਈਵਾਨ ਡਨਫੀ ਨੇ 35-ਕਿਲੋਮੀਟਰ ਦੇ ਈਵੈਂਟ ਵਿਚ ਗੋਲਡ ਮੈਡਲ ਜਿੱਤਿਆ ਸੀ। ਡਨਫੀ ਵੀ ਬੀ.ਸੀ. ਦੇ ਰਿਚਮੰਡ ਨਾਲ ਸਬੰਧ ਰੱਖਦੇ ਹਨ।