13.98C Vancouver 13.98C VancouverOct 14, 2020 9:38 PM -
ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਐਲਾਨ ਕੀਤਾ ਹੈ ਕਿ ਸ਼ੁਰੂਆਤੀ ਸਟਡੀ ਦੇ ਆਧਾਰ 'ਤੇ ਦੂਜੀ ਕੋਰੋਨਾ ਵਾਇਰਸ ਵੈਕਸੀਨ ਨੂੰ ਮਨਜ਼ੂਰੀ ਦਿੱਤੀ ਜਾ ਰਹੀ ਹੈ।
ਪੈਪਟਾਈਡ 'ਤੇ ਆਧਾਰਿਤ, ਦੋ ਸ਼ਾਟਸ ਵਾਲੀ ਵੈਕਸੀਨ ਨੂੰ ਸਰਬੀਆ ਦੇ ਵੈਕਟਰ ਇੰਸਟੀਟਿਊਟ ਵੱਲੋਂ ਬਣਾਇਆ ਗਿਆ ਹੈ।
ਇਸ ਨੂੰ ਵੋਲੰਟੀਅਰ ਕਰ ਰਹੇ 100 ਮਨੁੱਖਾਂ 'ਤੇ ਟੈਸਟ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਦੀ ਐਡਵਾਂਸ ਸਟਡੀ ਵੀ ਕੀਤੀ ਜਾਵੇਗੀ ਜਿਸ ਨੂੰ ਕਿ ਸੈਂਕੜੇ-ਹਜ਼ਾਰਾਂ ਵੋਲੰਟੀਅਰਾਂ 'ਤੇ ਟੈਸਟ ਕੀਤਾ ਜਾਵੇਗਾ, ਅਤੇ ਫਿਰ ਇਸ ਦੀ ਸੁਰੱਖਿਆ ਅਤੇ ਅਸਰ ਦੇ ਪੈਮਾਨੇ ਨੂੰ ਜਾਂਚਿਆ ਜਾਵੇਗਾ।
ਇਸ ਦੀ ਸ਼ੁਰੂਆਤ ਨਵੰਬਰ ਅਤੇ ਦਿਸੰਬਰ 'ਚ ਹੋਵੇਗੀ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਇਸ ਨੂੰ ਟ੍ਰਾਇਲ ਜਾਰੀ ਰਹਿਣ ਦੇ ਦੌਰਾਨ, ਵੱਡੇ ਪੱਧਰ 'ਤੇ ਇਸਤੇਮਾਲ ਕੀਤਾ ਜਾਵੇਗਾ ਜਾਂ ਨਹੀਂ।
ਯਾਦ ਰਹੇ ਰੂਸ ਨੇ 11 ਅਗਸਤ ਨੂੰ ਇੱਕ ਹੋਰ ਵੈਕਸੀਨ ਨੂੰ ਮਨਜ਼ੂਰੀ ਦਿੱਤੀ ਸੀ।
ਉਸ ਵੈਕਸੀਨ ਦੇ ਐਡਵਾਂਸਡ ਟ੍ਰਾਇਲਾਂ ਤੋਂ ਪਹਿਲਾਂ ਹੀ ਮਨਜ਼ੂਰੀ ਦੇ ਦਿੱਤੀ ਗਈ ਸੀ ਜਿਸ ਤੋਂ ਬਾਅਦ ਕਈ ਮਾਹਿਰਾਂ ਨੇ ਸਵਾਲ ਚੁੱਕੇ ਸਨ।
