17.95C Vancouver 17.95C VancouverAug 4, 2022 7:32 PM - The Canadian Press
ਰੂਸ 'ਚ ਇੱਕ ਜੱਜ ਨੇ ਅਮਰੀਕੀ ਬਾਸਕਿਟਬਾਲ ਸਟਾਰ ਬ੍ਰਿਟਨੀ ਗਰਾਈਨਰ ਨੂੰ ਡਰੱਗਸ ਰੱਖਣ ਅਤੇ ਡਰੱਗਸ ਦੀ ਤਸਕਰੀ ਦੇ ਮਾਮਲੇ 'ਚ ਦੋਸ਼ੀਆਂ ਠਿਹਰਾਇਆ ਹੈ।
ਇਸ ਰਾਜਨੀਤਕ ਰੰਗਤ ਵਾਲੇ ਮਾਮਲੇ 'ਚ ਬ੍ਰਿਟਨੀ ਨੂੰ 9 ਸਾਲ ਦੀ ਕੈਦ ਸੁਣਾਈ ਗਈ ਹੈ।
ਇਸ ਮਾਮਲੇ 'ਚ ਵਾਸ਼ਿੰਗਟਨ ਅਤੇ ਮਾਸਕੋ ਵਿਚਾਲੇ ਕੈਦੀਆਂ ਦੇ ਐਕਸਚੇਂਜ ਦੇ ਕਿਆਸ ਵੀ ਲਗਾਏ ਜਾ ਰਹੇ ਹਨ।
ਬ੍ਰਿਟਨੀ ਗਰਾਈਨਰ ਨੇ ਸਜਾ ਸੁਣਾਏ ਜਾਣ ਮੌਕੇ ਬਹੁਤੇ ਭਾਵ ਜਾਹਿਰ ਨਹੀਂ ਕੀਤੇ।
ਹਾਲਾਂਕਿ ਬਾਅਦ 'ਚ ਉਸ ਦੇ ਵਕੀਲਾਂ ਦਾ ਕਹਿਣਾ ਸੀ ਕਿ ਉਹ ਫੈਸਲੇ ਤੋਂ ਬੇਹੱਦ ਨਿਰਾਸ਼ ਸੀ ਅਤੇ ਪ੍ਰੇਸ਼ਾਨ ਮਹਿਸੂਸ ਕਰ ਰਹੀ ਸੀ।
ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਇਸ ਫੈਸਲੇ ਨੂੰ ਨਾਮਨਜੂਰ ਕਰਾਰ ਦਿੱਤਾ।
ਇਹ ਖਿਡਾਰਨ ਰੂਸ 'ਚ ਬਾਸਕਿਟਬਾਲ ਖੇਡਣ ਪਹੁੰਚੀ ਸੀ ਅਤੇ ਉਸ ਨੇ ਕੋਰਟ ਨੂੰ ਦੱਸਿਆ ਸੀ ਕਿ ਉਸ ਦਾ ਕੋਈ ਇਰਾਦਾ ਨਹੀਂ ਸੀ ਕਿ ਉਹ ਕਨੂੰਨ ਤੋੜਦੀ ਅਤੇ ਵੇਪ ਕਾਰਟ੍ਰੀਜ ਅਤੇ ਕੈਨਬਿਸ ਆਇਲ ਲੈਕੇ ਮਾਸਕੋ ਪਹੁੰਚਦੀ।
