17.07C Vancouver 17.07C VancouverApr 17, 2020 11:34 PM -
ਸਸਕੈਚਵਿਨ ਸਰਕਾਰ ਦਾ ਕਹਿਣਾ ਹੈ ਕਿ, ਕੋਵਿਡ-19 ਪੈਂਡੇਮਿਕ ਦੇ ਕਾਰਨ ਸੂਬੇ ਨੂੰ ਪ੍ਰੋਵਿੰਸ਼ੀਅਲ ਰੈਵੀਨਿਊ ਦੇ ਵਿੱਚ $3.3 ਬਿਲੀਅਨ ਦਾ ਘਾਟਾ ਹੋ ਸਕਦਾ ਹੈ।
ਇਹ ਅਨੁਮਾਨ ਅੱਜ ਇੱਕ ਮਾਡਲਿੰਗ ਜਰੀਏ ਸਾਂਝੇ ਕੀਤੇ ਗਏ ਹਨ।
ਵੱਖੋ-ਵੱਖਰੇ ਹਾਲਾਤਾਂ ਨੂੰ ਲੈਕੇ ਘਾਟੇ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ, ਜਿਸਦੇ ਵਿਚ ਸੂਬੇ ਨੂੰ $1.3 ਬਿਲੀਅਨ ਤੋਂ $3.3 ਬਿਲੀਅਨ ਤਕ ਦੇ ਘਾਟੇ ਹੁੰਦੇ ਦਰਸ਼ਾਏ ਗਏ ਹਨ।
ਵਿੱਤੀ ਮੰਤਰੀ ਡੌਨਾ ਹਾਰਪੁਏਰ ਨੇ ਕਿਹਾ ਕਿ ਅਜੇ ਵੀ ਕਹਿਣਾ ਮੁਸ਼ਕਿਲ ਹੈ ਕਿ ਲੋਕਾਂ 'ਤੇ ਲਾਈਆਂ ਗਈਆਂ ਪਬੰਧੀਆਂ ਕਦੋਂ ਤਕ ਜਾਰੀ ਰਹਿਣਗੀਆਂ।
ਹਾਲਾਂਕਿ ਅਧਿਕਾਰੀਆਂ ਨੇ ਅੱਜ ਸਸਕੈਚਵਿਨ 'ਚ 2 ਨਵੇਂ ਮਾਮਲੇ ਸਾਹਮਣੇ ਆਏ ਦੱਸੇ ਹਨ ਅਤੇ ਸੂਬੇ 'ਚ ਪੀੜਤਾਂ ਦੀ ਗਿਣਤੀ 307 ਹੋ ਗਈ ਹੈ।
ਹੁਣ ਤਕ 228 ਲੋਕ ਰਿਕਵਰ ਕਰ ਚੁੱਕੇ ਹਨ ਅਤੇ 4 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
