16.98C Vancouver 16.98C VancouverDec 4, 2023 5:04 PM - The Canadian Press
ਕਿਊਬੈਕ ਵਿੱਚ ਬਰਫ਼ਬਾਰੀ ਮਗਰੋਂ ਅੱਜ 1 ਲੱਖ ਤੋਂ ਵੱਧ ਘਰਾਂ ਦੀ ਬਿਜਲੀ ਗੁੱਲ ਹੋ ਗਈ ਅਤੇ ਕਈ ਸਾਰੇ ਸਕੂਲ ਬੰਦ ਰੱਖੇ ਗਏ। ਵਾਤਾਵਰਣ ਕੈਨੇਡਾ ਮੁਤਾਬਕ, ਸੂਬੇ ਭਰ ਵਿੱਚ ਕਰੀਬ 25 ਸੈਂਟੀਮੀਟਰ ਤੱਕ ਬਰਫਬਾਰੀ ਹੋਈ ਹੈ।
ਸਭ ਤੋਂ ਵੱਧ ਮਾਂਟਰੀਅਲ ਪ੍ਰਭਾਵਿਤ ਹੋਇਆ ਅਤੇ ਮੌਸਮ ਏਜੰਸੀ ਨੇ ਭਵਿੱਖਬਾਣੀ ਕੀਤੀ ਕਿ ਕੁੱਝ ਸੈਂਟੀਮੀਟਰ ਬਰਫਬਾਰੀ ਅਜੇ ਵੀ ਹੋਣ ਦੀ ਸੰਭਾਵਨਾ ਹੈ । ਵਾਤਾਵਰਣ ਕੈਨੇਡਾ ਨੇ ਮੌਸਮ ਚੇਤਾਵਨੀ ਵਿੱਚ ਕਿਹਾ ਕਿ ਕਿਊਬੈਕ ਵਿੱਚ ਕੁੱਲ 20 ਤੋਂ 30 ਸੈਂਟੀਮੀਟਰ ਤੱਕ ਹੋਰ ਬਰਫ਼ਬਾਰੀ ਹੋਣ ਦੇ ਆਸਾਰ ਹਨ।
ਉੱਥੇ ਹੀ ਹਾਈਡਰੋ-ਕਿਊਬੈਕ ਨੇ ਦੱਸਿਆ ਕਿ ਸੂਬੇ ਵਿੱਚ ਸਵੇਰੇ 1,089,025 ਘਰ ਬਿਜਲੀ ਦੇ ਬਿਨਾਂ ਸਨ, ਜਿਨ੍ਹਾਂ ਵਿੱਚੋਂ ਮਾਂਟਰੀਅਲ ਵਿੱਚ 16,615 ਘਰਾਂ ਵਿੱਚ ਬਿਜਲੀ ਨਹੀਂ ਸੀ।
ਮੌਸਮ ਏਜੰਸੀ ਨੇ ਕਿਹਾ ਕਿ ਦਿਨ ਦੇ ਅੰਤ ਤੱਕ ਬਰਫਬਾਰੀ ਰੁਕਣ ਦੀ ਉਮੀਦ ਹੈ ਅਤੇ ਹਫ਼ਤੇ ਦੇ ਬਾਕੀ ਦਿਨਾਂ ਵਿੱਚ ਧੁੱਪ ਰਹੇਗੀ ਪਰ ਠੰਡ ਬਣੇ ਰਹਿਣ ਦੀ ਸੰਭਾਵਨਾ ਹੈ।
