15C Vancouver 15C VancouverFeb 27, 2020 5:27 PM -
ਨਿਊ ਵੈਸਟਮਿੰਸਟਰ ਵਿੱਚ ਆਪਣੇ ਘਰ ਤੋਂ ਐਤਵਾਰ ਤੋਂ ਲਾਪਤਾ ਨਿਰਲਾ ਸ਼ਰਮਾ ਦੀ ਭਾਲ ਵਾਸਤੇ ਹੁਣ ਸਰਚ ਅਤੇ ਰੈਸਕਿਊ ਟੀਮ ਸਹਿਯੋਗ ਪ੍ਰਦਾਨ ਕਰੇਗੀ।
ਕੁਕਿਟਲਮ ਤੋਂ ਬੁਲਾਈ ਗਈ ਇਸ ਟੀਮ ਨੂੰ ਨਿਊ ਵੈਸਟਮਿੰਸਟਰ ਪੁਲਿਸ ਵਿਭਾਗ ਦੀ ਮਦਦ ਕਰਨ ਲਈ ਸੰਪਰਕ ਕੀਤਾ ਗਿਆ।
ਪੁਲਿਸ ਮੁਤਾਬਕ ਸ਼ਰਮਾ ਨੂੰ ਪਰਿਵਾਰ ਨੇ ਆਖਰੀ ਵਾਰ ਐਤਵਾਰ ਰਾਤ ਨੂੰ ਤਕਰੀਬਨ 9 ਵਜੇ ਕੁਈਨਜ਼ਬਰੋ ਇਲਾਕੇ ਵਿੱਚ ਲਾਰੈਂਸ ਸਟ੍ਰੀਟ ਤੇ ਸਥਿਤ ਆਪਣੇ ਘਰ ਵਿੱਚ ਦੇਖਿਆ ਗਿਆ ਸੀ।
ਉਨ੍ਹਾਂ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਸੋਮਵਾਰ ਸਵੇਰ ਕਰੀਬ 4 ਵਜੇ ਉਨ੍ਹਾਂ ਨੇ ਘਰ ਦਾ ਦਰਵਾਜ਼ਾ ਖੁੱਲ੍ਹਦਾ ਸੁਣਿਆ।
ਨਿਊ ਵੈਸਟਮਿੰਸਟਰ ਦਾ ਮੇਜਰ ਕ੍ਰਾਈਮ ਯੂਨਿਟ ਵੀ ਹੁਣ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ ਅਤੇ ਸਰਜੈਂਟ ਜੈੱਫ ਸਕਾਟ ਕੁਈਨਜ਼ਬਰੋ ਇਲਾਕੇ ਵਿੱਚ ਐਤਵਾਰ ਅੱਧੀ ਰਾਤ ਤੋਂ ਲੈ ਕੇ ਸੋਮਵਾਰ ਸਵੇਰ 6 ਵਜੇ ਵਿਚਕਾਰ ਮੌਜੂਦ ਗਵਾਹਾਂ ਨੂੰ ਅੱਗੇ ਆਉਣ ਦੀ ਅਪੀਲ ਕਰ ਰਹੇ ਹਨ ਨਿਰਲਾ ਸ਼ਰਮਾ ਦੀ ਉਮਰ 44 ਸਾਲ, ਕੱਦ 5 ਫੁੱਟ 3 ਇੰਚ, ਭਾਰ ਤਕਰੀਬਨ 138 ਪਾਊਂਡ ਹੈ ਅਤੇ ਛੋਟੇ ਕਾਲੇ ਵਾਲ ਹਨ।
ਉਨ੍ਹਾਂ ਨੇ ਗੁਲਾਬੀ ਰੰਗ ਦਾ ਪਜਾਮਾ ਤੇ ਟੀ ਸ਼ਰਟ ਪਹਿਨੀ ਹੋਈ ਹੈ, ਅਤੇ ਕਾਲੇ ਰੰਗ ਦੀ ਜੈਕਟ ਅਤੇ ਸੰਤਰੀ ਰੰਗ ਦੇ ਨਾਇਕੀ ਦੇ ਜੁੱਤੇ ਪਾਏ ਹੋਣ ਦਾ ਅੰਦਾਜ਼ਾ ਹੈ।
ਉਨ੍ਹਾਂ ਦੀ ਖੱਬੀ ਬਾਂਹ ਤੇ ਓਮ ਦਾ ਟੈਟੂ ਬਣਿਆ ਹੋਇਆ ਅਤੇ ਸ਼ਰੀਰ ਤੇ ਹੋਰ ਵੀ ਕਈ ਟੈਟੂ ਹਨ।
