ਬੈਲਾ ਕੂਲਾ ਸਕੂਲ ਸਮੂਹ 'ਤੇ ਹਮਲੇ ਤੋਂ ਬਾਅਦ ਗ੍ਰੀਜ਼ਲੀ ਦੀ ਭਾਲ ਜਾਰੀ

ਬੈਲਾ ਕੂਲਾ ਵਿਚ ਗ੍ਰੀਜ਼ਲੀ ਰਿੱਛ ਦੇ ਹਮਲੇ ਦਾ ਸ਼ਿਕਾਰ ਹੋਏ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਲਈ ਇੱਕ ਔਨਲਾਈਨ ਫੰਡਰੇਜ਼ਰ ਨੇ ਲਗਭਗ 54 ਹਜ਼ਾਰ ਡਾਲਰ ਦਾ ਫੰਡ ਇਕੱਠਾ ਕੀਤਾ ਹੈ।

ਇਸ ਦੇ ਪ੍ਰਬੰਧਕ ਨਕਸਾਲਕ ਨੇਸ਼ਨ ਨੇ ਕਿਹਾ ਕਿ ਇਹ ਪੈਸਾ ਜ਼ਖਮੀਆਂ ਦੇ ਪਰਿਵਾਰਾਂ ਨੂੰ ਮੈਡੀਕਲ ਅਤੇ ਹੋਰ ਸੰਬੰਧਿਤ ਖਰਚਿਆਂ ਵਿਚ ਸਹਾਇਤਾ ਕਰਨ ਲਈ ਵਰਤਿਆ ਜਾਵੇਗਾ। ਪੀੜਤਾਂ 'ਤੇ ਹਮਲਾ 20 ਨਵੰਬਰ ਨੂੰ ਹੋਇਆ ਸੀ।

ਬੈਲਾ ਕੂਲਾ ਕਮਿਊਨਿਟੀ ਦੇ ਇੱਕ ਲੋਕਲ ਸਕੂਲ ਦੇ ਗ੍ਰੇਡ 4 ਅਤੇ 5 ਦੇ ਲਗਭਗ 20 ਸਟੂਡੈਂਟਸ ਅਤੇ ਟੀਚਰਜ਼ ਦਾ ਇੱਕ ਗਰੁੱਪ ਫੀਲਡ ਟ੍ਰਿਪ 'ਤੇ ਸੀ ਜੋ ਇਸ ਦੌਰਾਨ ਟ੍ਰੇਲ 'ਤੇ ਲੰਚ ਕਰ ਰਿਹਾ ਸੀ ਜਦੋਂ ਇੱਕ ਰਿੱਛ ਨੇ ਅਚਾਨਕ ਹਮਲਾ ਕਰ ਦਿੱਤਾ। ਸੰਭਾਲ ਅਧਿਕਾਰੀ ਅਜੇ ਵੀ ਇਸ ਰਿੱਛ ਦੀ ਤਲਾਸ਼ ਕਰ ਰਹੇ ਹਨ, ਜਿਸ ਬਾਰੇ ਮੰਨਿਆ ਜਾ ਰਿਹਾ ਹੈ ਕਿ ਇਹ ਦੋ ਛੋਟੇ ਬੱਚਿਆਂ ਵਾਲੀ ਇੱਕ ਮਾਂ ਸੀ।