18.88C Vancouver 18.88C VancouverMay 12, 2020 10:38 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਚਿਲਾਵੈਕ ਇਲਾਕੇ 'ਚ ਇੱਕ 22 ਸਾਲਾ ਯੁਵਕ ਦੀ ਭਾਲ ਦਾ ਦੁੱਖਦਾਈ ਅੰਤ ਹੋਇਆ ਹੈ।
ਦਰਿਆ 'ਚ ਲਾਪਤਾ ਹੋਏ ਯੁਵਕ ਨੂੰ ਬੀਤੇ ਕੱਲ ਆਖਰੀ ਵਾਰ ਆਪਣੇ ਦੋਸਤਾਂ ਨਾਲ ਤੈਰਾਕੀ ਕਰਦੇ ਹੋਏ ਵੇਖਿਆ ਗਿਆ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਯੁਵਕ ਦੇ ਦੋਸਤਾਂ ਨੇ ਦੱਸਿਆ ਸੀ ਕਿ ਉਹ ਤਾਰੀ ਲਾਉਣ ਲਈ ਸੋਮਵਾਰ ਰਾਤ ਵੈਡਰ ਦਰਿਆ 'ਚ ਦਾਖਿਲ ਹੋਇਆ ਸੀ।
ਪਰ ਕੁਝ ਸਮੇਂ ਬਾਅਦ ਉਹ ਪ੍ਰੇਸ਼ਾਨ ਹੋਇਆ ਵਿਖਾਈ ਦਿੱਤਾ ਸੀ ਅਤੇ ਪੁਲਿਸ ਅਨੁਸਾਰ ਜਦ ਯੁਵਕ ਨੂੰ ਉਸਦੇ ਦੋਸਤਾਂ ਨੇ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ, ਤਾਂ ਉਹ ਕਾਮਯਾਬ ਨਾ ਹੋ ਸਕੇ।
ਯੁਵਕ ਦਾ ਮ੍ਰਿਤ ਸ਼ਰੀਰ ਚਿਲਾਵੈਕ ਭਾਲ ਅਤੇ ਬਚਾਅ ਟੀਮਾਂ ਨੂੰ ਮੰਗਲਵਾਰ ਨੂੰ ਮਿਲਿਆ।
ਮ੍ਰਿਤ ਯੁਵਕ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ, ਪਰ ਇਸਨੂੰ ਭਾਰਤੀ ਮੂਲ ਦਾ ਦੱਸਿਆ ਜਾ ਰਿਹਾ ਹੈ।
ਆਰ.ਸੀ.ਐਮ.ਪੀ. ਅਤੇ ਬੀ.ਸੀ. ਕੋਰੋਨਰ ਸਰਵਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
