30.07C Vancouver 30.07C VancouverMar 19, 2020 5:48 PM -
ਟੋਰਾਂਟੋ ਦੇ ਪੱਛਮੀ ਹਿੱਸੇ ਵਿੱਚ ਸਥਿਤ ਹਾਲਟਨ ਰੀਜਨ ਪਬਲਿਕ ਹੈਲਥ ਯੂਨਿਟ ਮੁਤਾਬਕ ਪੰਜਾਹਵਿਆਂ ਦੀ ਉਮਰ ਦੇ ਇੱਕ ਆਦਮੀ ਦੀ ਕੋਰੋਨਾਵਾਇਰਸ ਕਾਰਣ ਮੌਤ ਹੋ ਗਈ ਹੈ।
ਮ੍ਰਿਤਕ ਪਹਿਲਾਂ ਹੀ ਵਿਗੜਦੀ ਸਿਹਤ ਨਾਲ ਜੂਝ ਰਿਹਾ ਸੀ ਅਤੇ ਉਸ ਦਾ ਇਲਾਜ ਓਕਵਿੱਲ ਟ੍ਰੈਫਾਲਗਰ ਮੈਮੋਰੀਅਲ ਹਸਪਤਾਲ ਅਤੇ ਮਿਲਟਨ ਡਿਸਟ੍ਰਿਕਟ ਹਸਪਤਾਲ ਵਿਖੇ ਚੱਲ ਰਿਹਾ ਸੀ। ਕੋਵਿੱਡ-19 ਕਾਰਣ ਓਨਟਾਰੀਓ ਦੇ ਵਿੱਚ 2 ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਵਿੱਚ 8 ਵਿਅਕਤੀਆਂ ਦੀਆਂ ਜਾਨਾਂ ਜਾ ਚੁੱਕੀਆਂ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਵਾਇਰਸ ਦੇ ਫੈਲਾਅ ਤੇ ਠੱਲ ਪਾਉਣ ਵਿੱਚ ਕਈ ਹਫ਼ਤੇ ਜਾਂ ਮਹੀਨੇ ਵੀ ਲੱਗ ਸਕਦੇ ਹਨ।
