10.02C Vancouver 10.02C VancouverMar 12, 2020 1:25 AM -
ਕੈਨੇਡਾ 'ਚ ਕੋਰੋਨਾ ਵਾਇਰਸ ਦੇ ਕੁਲ ਮਾਮਲਿਆਂ ਦੀ ਗਿਣਤੀ 117 ਤਕ ਪਹੁੰਚ ਗਈ ਹੈ।
ਅੱਜ ਨਿਊ ਬਰਨਸਵਿਕ 'ਚ ਇਸ ਵਾਇਰਸ ਨਾਲ ਸੰਬੰਧਤ ਪਹਿਲੇ ਮਾਮਲੇ ਦੀ ਪੁਸ਼ਟੀ ਕੀਤੀ ਗਈ ਹੈ।
ਇਸੇ ਦੌਰਾਨ ਫੈਡਰਲ ਮੰਤਰੀਆਂ 'ਚ ਵੀ ਇਸ ਵਾਇਰਸ ਨੂੰ ਲੈਕੇ ਫਿਕਰ ਵਧਦਾ ਜਾ ਰਿਹਾ ਹੈ।
ਖਬਰਾਂ ਹਨ ਕਿ ਹੁਣ ਦੂਜੇ ਮੰਤਰੀ ਨੇ ਇਸ ਵਾਇਰਸ ਸੰਬੰਧੀ ਟੈਸਟ ਕਰਵਾਏ ਹਨ।
ਛੋਟੇ ਵਪਾਰ ਅਤੇ ਅੰਤਰਰਾਸ਼ਟਰੀ ਟਰੇਡ ਸੰਬੰਧੀ ਮੰਤਰੀ, ਮੈਰੀ ਨਗ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਲਗਦਾ ਹੈ ਕਿ ਓਹ ਸਿਰਫ ਅਸਥਮਾ ਅਤੇ ਠੰਡ ਨਾਲ ਜੂਝ ਰਹੇ ਹਨ, ਪਰ ਫੇਰ ਵੀ ਟੈਸਟ ਕਰਵਾਉਣਾ ਬੇਹਤਰ ਸੀ।
ਇਸੇ ਤਰ੍ਹਾਂ ਨੈਚੁਰਲ ਰਿਸੋਰਸਿਸ ਮੰਤਰੀ, ਸੀਮਸ ਓ' ਰੀਗਨ ਨੇ ਵੀ ਇਸ ਵਾਇਰਸ ਸੰਬੰਧੀ ਟੈਸਟ ਕਰਵਾਏ ਹਨ, ਅਤੇ ਟੈਸਟ ਦੇ ਨਤੀਜੇ ਆਉਣ ਤਕ ਉਨ੍ਹਾਂ ਖੁਦ ਨੂੰ ਘਰ 'ਚ ਇਕੱਲਿਆਂ 'ਚ ਰਖਿਆ ਹੈ।
