12.1C Vancouver 12.1C VancouverFeb 11, 2020 3:03 PM -
ਚੀਨ ਵਿੱਚ ਕਰੋਨਾਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਵੁਹਾਨ ਸ਼ਹਿਰ ਤੋਂ ਕਨੇਡੀਅਨ ਵਿਅਕਤੀਆਂ ਨੂੰ ਲੈਣ ਗਿਆ ਦੂਸਰਾ ਕਨੇਡੀਅਨ ਜਹਾਜ਼ ਓਂਟਾਰੀਓ ਵਿੱਚ ਟ੍ਰੇੰਟਨ ਦੇ ਕਨੇਡੀਅਨ ਫੋਰਸਿਜ਼ ਬੇਸ ਵਿਖੇ ਅੱਜ ਸਵੇਰ ਪਹੁੰਚ ਗਿਆ।
ਇਸ ਜ਼ਹਾਜ ਰਾਹੀਂ 188 ਯਾਤਰੀ ਲੈ ਆਉਂਦੇ ਗਏ ਹਨ।
ਪਹਿਲੇ ਕਨੇਡੀਅਨ ਚਾਰਟਰ ਜਹਾਜ਼ ਅਤੇ ਅਮਰੀਕੀ ਉਡਾਣ ਜ਼ਰੀਏ ਲਿਆਂਦੇ ਗਏ ਯਾਤਰੀਆਂ ਵਾਂਗ ਇਨ੍ਹਾਂ ਸਾਰੇ ਵਿਅਕਤੀਆਂ ਨੂੰ ਵੀ ਦੋ ਹਫ਼ਤਿਆਂ ਵਾਸਤੇ ਕੁਆਰੰਟੀਨ ਰੱਖਿਆ ਜਾਵੇਗਾ।
ਪਹਿਲੀਆਂ ਦੋ ਉਡਾਣਾਂ ਰਾਹੀਂ ਕੈਨੇਡਾ ਪਹੁੰਚੇ ਵਿਅਕਤੀਆਂ ਵਿੱਚੋਂ ਕਿਸੇ ਵਿੱਚ ਵੀ ਵਾਇਰਸ ਦੀਆਂ ਨਿਸ਼ਾਨੀਆਂ ਨਹੀਂ ਪਾਈਆਂ ਗਈਆਂ।
ਸੀਐੱਫਬੀ (CFB) ਵਿਖੇ ਕੁਆਰੰਟੀਨ ਵਿੱਚ ਰਹਿ ਰਹੇ ਵਿਅਕਤੀਆਂ ਵਿੱਚੋਂ ਇੱਕ ਹੈ 25 ਸਾਲਾ ਔਰਤ ਮਰੀਅਮ ਲਰੂਸ਼ ਜਿਸ ਦਾ ਕਹਿਣਾ ਹੈ ਕੇ ਬੇਸ ਦੇ ਮੋਟਲ ਯੂਕਾਨ ਲਾਜ ਵਿੱਚ ਉਸ ਕੋਲ ਆਪਣਾ ਪ੍ਰਾਈਵੇਟ ਕਮਰਾ ਹੈ ਜਿਸ ਵਿੱਚ ਇੱਕ ਫਰਿੱਜ, ਇੱਕ ਮਾਈਕ੍ਰੋਵੇਵ ਅਤੇ ਇੱਕ ਟੀਵੀ ਮੌਜੂਦ ਹੈ।
ਲਰੂਸ਼ ਮੁਤਾਬਕ ਖਾਣਾ ਉਸ ਨੂੰ ਕਮਰੇ ਵਿੱਚ ਪਹੁੰਚਾਇਆ ਜਾਂਦਾ ਹੈ ਅਤੇ ਉਸ ਨੂੰ ਬਾਹਰ ਜਾਣ ਦੀ ਇਜਾਜ਼ਤ ਹੈ ਪਰ ਬਾਕੀ ਵਿਅਕਤੀਆਂ ਤੋਂ ਦੋ ਮੀਟਰ ਦੀ ਦੂਰੀ ਬਣਾਏ ਰੱਖਣ ਦੀ ਹਦਾਇਤ ਦਿੱਤੀ ਗਈ ਹੈ।
