17.7C Vancouver 17.7C VancouverOct 27, 2020 8:26 PM -
ਕੈਨੇਡਾ ਦੇ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੀ ਦੂਜੀ ਵੇਵ 'ਤੇ ਕਾਬੂ ਪਾਉਣ ਦਾ ਇੱਕ ਸਰਲ ਤਰੀਕਾ ਹੈ, ਪਰ ਇਸ ਨੂੰ ਲਾਗੂ ਕਰਨਾ ਮੁਸ਼ਕਿਲ ਹੈ।
ਡਾ. ਹੌਵਰਡ ਨਿਊ ਨੇ ਕਿਹਾ ਕਿ ਸਪਸ਼ਟ ਹੈ ਕਿ ਥੈਂਕਸਗਿਵਿੰਗ ਵੀਕਐਂਡ ਦੌਰਾਨ ਹੋਏ ਇਕੱਠਾਂ ਦਾ ਵਧਦੇ ਵਾਇਰਸ ਦੇ ਮਾਮਲਿਆਂ 'ਚ ਵੱਡਾ ਯੋਗਦਾਨ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਲੋਕ ਸਿਹਤ ਨਿਰਦੇਸ਼ਾਂ ਦੀ ਪਾਲਣਾ ਕਰਨਾ ਜ਼ਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਹੈ ਕਿ ਫਿਜ਼ੀਕਲ ਡਿਸਟੈਨਸਿੰਗ, ਘਰ 'ਚ ਵਧੇਰੇ ਸਮਾਂ ਬਿਤਾਉਣਾ, ਮਾਸਕ ਪਹਿਨਣਾ ਅਤੇ ਸਾਫ ਸਫਾਈ ਦਾ ਧਿਆਨ ਰੱਖਣ ਜਿਹੇ ਨਿਰਦੇਸ਼ਾਂ ਦੀ ਪਾਲਣਾ ਕੀਤੀ ਜਾਵੇ।
ਡਾ. ਨਿਊ ਨੇ ਕਿਹਾ ਕਿ ਜਿਕਰ ਅਜਿਹਾ ਨਾ ਕੀਤਾ ਤਾਂ ਵਾਇਰਸ ਦਾ ਫੈਲਾਅ ਨਹੀਂ ਘਟੇਗਾ ਅਤੇ ਬਹੁਤ ਸਾਰੇ ਲੋਕਾਂ ਲਈ ਖਤਰਾ ਵਧਦਾ ਜਾਵੇਗਾ।
ਯਾਦ ਰਹੇ ਅੱਜ ਔਂਟੈਰੀਓ 'ਚ 827 ਕੋਵਿਡ-19 ਮਾਮਲੇ ਅਤੇ 3 ਮੌਤਾਂ ਰਿਪੋਰਟ ਹੋਈਆਂ ਹਨ।
ਦੂਜੇ ਪਾਸੇ ਅੱਜ ਕਿਊਬੈਕ 963 ਮਾਮਲੇ ਅਤੇ 19 ਵਾਇਰਸ ਪੀੜਤਾਂ ਦੀ ਮੌਤ ਰਿਪੋਰਟ ਹੋਈ ਹੈ।
