14.56C Vancouver 14.56C VancouverMar 2, 2022 8:16 PM - Connect News
ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ ਯਾਨੀ ਕਿ ਯੂ.ਬੀ.ਸੀ. ਦੇ ਓਕਾਨਾਗਨ ਕੈਂਪਸ 'ਚ ਬੀਤੇ ਵੀਕਐਂਡ ਦੌਰਾਨ ਇੱਕ ਸਿਕਿਉਰਿਟੀ ਗਾਰਡ 'ਤੇ ਹਮਲਾ ਕੀਤਾ ਗਿਆ ਸੀ ਅਤੇ ਗਾਰਡ ਦੀ ਮੌਤ ਹੋ ਗਈ ਸੀ।
ਹੁਣ ਪੀੜਤ ਸਿਕਿਉਰਿਟੀ ਗਾਰਡ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ।
ਪੀੜਤ ਦਾ ਨਾਮ ਹਰਮਨਦੀਪ ਕੌਰ ਦੱਸਿਆ ਗਿਆ ਹੈ।
ਉਸ ਦੀ ਉਮਰ 24 ਸਾਲ ਸੀ।
ਉਹ ਭਾਰਤ ਤੋਂ ਵਾਸਤਾ ਰੱਖਦੀ ਸੀ।
ਇਸ ਤੋਂ ਪਹਿਲਾਂ ਕੈਲੋਨਾ ਆਰ.ਸੀ.ਐਮ.ਪੀ. ਵੱਲੋਂ ਪੀੜਤ ਦੀ ਉਮਰ ਤਾਂ ਦੱਸੀ ਗਈ ਸੀ ਪਰ ਉਸ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਸੀ।
ਹਰਮਨਦੀਪ ਕੌਰ ਨੂੰ ਹਮਲੇ ਤੋਂ ਬਾਅਦ ਕੈਲੋਨਾ ਜਨਰਲ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ।
ਹਰਮਨਦੀਪ ਕੌਰ ਬਾਰੇ ਦੱਸਿਆ ਗਿਆ ਕਿ ਉਹ ਸਾਲ 2015 'ਚ ਕੈਨੇਡਾ ਆਈ ਸੀ।
ਉਸ ਦੇ ਲਈ ਇੱਕ ਗੋਫੰਡਮੀ ਪੇਜ ਵੀ ਸ਼ੁਰੂ ਕੀਤਾ ਗਿਆ ਹੈ ਜਿਸ ਨਾਲ ਉਸ ਦੇ ਮਾਪਿਆਂ ਦੀ ਮਦਦ ਕੀਤੀ ਜਾ ਸਕੇ।
ਖਬਰ ਲਿਖੇ ਜਾਣ ਤਕ ਇਸ ਆਸਰੇ $31,000 ਇਕੱਤਰ ਹੋ ਗਏ ਸਨ।
ਸ਼ਨੀਵਾਰ ਸਵੇਰੇ ਕਰੀਬ 6 ਵਜੇ ਹਰਮਨਦੀਪ ਕੌਰ 'ਤੇ ਹਮਲਾ ਕੀਤਾ ਗਿਆ ਸੀ।
ਹਮਲੇ ਤੋਂ ਕੁਝ ਹੀ ਸਮੇਂ ਬਾਅਦ ਪੁਲਿਸ ਨੇ ਇੱਕ ਸ਼ੱਕੀ ਨੂੰ ਮੈਂਟਲ ਹੈਲਥ ਐਕਟ ਤਹਿਤ ਗ੍ਰਿਫਤਾਰ ਕਰ ਲਿਆ ਸੀ।
ਗੋਫੰਡਮੀ ਪੇਜ 'ਤੇ ਪਹੁੰਚਣ ਲਈ ਲਿੰਕ ਕਲਿਕ ਕਰੋ:
