21.05C Vancouver 21.05C VancouverDec 11, 2023 5:31 PM - The Canadian Press
ਕੈਨੇਡਾ ਸਰਕਾਰ ਦੇ ਲੰਮੇ ਸਮੇਂ ਤੋਂ ਉਡੀਕੇ ਜਾ ਰਹੇ ਡੈਂਟਲ ਇੰਸ਼ੋਰੈਂਸ ਯੋਜਨਾ ਤਹਿਤ ਜਲਦ ਹੀ ਅਰਜ਼ੀਆਂ ਖੁੱਲ੍ਹਣ ਜਾ ਰਹੀਆਂ ਹਨ, ਲਿਬਰਲ ਸਰਕਾਰ ਇਸ ਨੂੰ ਕਈ ਫੇਜ਼ ਵਿੱਚ ਸ਼ੁਰੂ ਕਰ ਰਹੀ ਹੈ।
ਸਿਹਤ ਮੰਤਰੀ ਮਾਰਕ ਹੌਲੈਂਡ ਨੇ ਅੱਜ ਸਵੇਰੇ ਪ੍ਰੋਗਰਾਮ ਦੇ ਰੋਲਆਊਟ ਦੀ ਘੋਸ਼ਣਾ ਕੀਤੀ ਹੈ। ਪਹਿਲੇ ਪੰਜ ਸਾਲਾਂ ਵਿੱਚ ਇਸ ਪ੍ਰੋਗਰਾਮ ਲਈ $13 ਬਿਲੀਅਨ ਦਾ ਬਜਟ ਰੱਖਿਆ ਗਿਆ ਹੈ। ਪਹਿਲੇ ਗੇੜ ਵਿੱਚ ਇਹ 87 ਸਾਲ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਲਈ ਲਾਗੂ ਹੋ ਰਹੀ ਹੈ ਹਾਲਾਂਕਿ ਲਾਭ ਲਈ ਦਾਅਵੇ ਮਈ 2024 ਤੋਂ ਲਾਗੂ ਹੋਣੇ ਸ਼ੁਰੂ ਹੋਣਗੇ।
ਇਹ ਦੰਦਾਂ ਦੀ ਯੋਜਨਾ ਲਿਬਰਲਸ ਤੇ ਐੱਨ. ਡੀ. ਪੀ. ਵਿਚਕਾਰ ਹੋਏ ਸਪਲਾਈ ਅਤੇ ਵਿਸ਼ਵਾਸ ਸੌਦੇ ਦਾ ਹਿੱਸਾ ਹੈ।ਐੱਨ ਡੀ ਪੀ ਨੇ ਲਿਬਰਲਸ ਨੂੰ ਦਿੱਤੇ ਸਮਰਥਨ ਵਿੱਚ ਸ਼ਰਤ ਰੱਖੀ ਸੀ ਕਿ ਜਿਨ੍ਹਾਂ ਕੈਨੇਡੀਅਨਜ਼ ਦੀ ਸਾਲਾਨਾ ਇਨਕਮ $90,000 ਤੋਂ ਘੱਟ ਹੈ ਅਤੇ ਪ੍ਰਾਈਵੇਟ ਬੀਮਾ ਨਹੀਂ ਹੈ ਉਨ੍ਹਾਂ ਲਈ 2024 ਤੱਕ ਡੈਂਟਲ ਇੰਸ਼ੋਰੈਂਸ ਪਲੈਨ ਨੂੰ ਸ਼ੁਰੂ ਕੀਤਾ ਜਾਵੇ। ਇਸ ਦਾ ਫਾਇਦਾ ਬੱਚਿਆਂ ਤੱਕ ਨੂੰ ਮਿਲੇਗਾ ਪਰ ਯੋਗਤਾ ਦਾ ਵਿਸਥਾਰ ਪੜਾਅਵਾਰ ਕੀਤਾ ਜਾਵੇਗਾ।
2025 ਵਿੱਚ ਸਾਰੇ ਯੋਗ ਕੈਨੇਡੀਅਨਜ਼ ਇਸ ਵਿੱਚ ਸ਼ਾਮਲ ਕਰ ਲਏ ਜਾਣਗੇ। ਲਗਭਗ 9 ਮਿਲੀਅਨ ਕੈਨੇਡੀਅਨਜ਼ ਇਸ ਦਾ ਫਾਇਦਾ ਲੈਣਗੇ, ਜਿਸ ਨਾਲ ਇਹ ਸਰਕਾਰ ਦਾ ਸਭ ਤੋਂ ਵੱਡਾ ਸਮਾਜਿਕ ਪ੍ਰੋਗਰਾਮ ਬਣਨ ਵਾਲਾ ਹੈ।
