25.16C Vancouver 25.16C VancouverNov 19, 2025 7:31 PM - Connect Newsroom - Ramandeep Kaur with files from The Canadian Press
ਪੋਰਟ ਮੂਡੀ ਵਿਚ ਇੱਕ ਵਿਅਕਤੀ ਨੂੰ ਕ੍ਰਿਪਟੋਕਰੰਸੀ ਚੋਰੀ ਕਰਨ ਲਈ ਇੱਕ ਘਰ ਵਿਚ ਦਾਖ਼ਲ ਹੋ ਕੇ ਹਿੰਸਕ ਹਮਲਾ ਕਰਨ ਦੇ ਦੋਸ਼ ਵਿਚ ਸੱਤ ਸਾਲ ਕੈਦ ਦੀ ਸਜ਼ਾ ਹੋਈ ਹੈ। ਘਰ ਵਿਚ ਜ਼ਬਰਦਸਤੀ ਦਾਖਲ ਹੋਣ ਦੀ ਇਹ ਘਟਨਾ 27 ਅਪ੍ਰੈਲ 2024 ਨੂੰ ਵਾਪਰੀ ਸੀ।
ਇਸ ਦੇ ਮੁਲਜ਼ਮ ਟੀਐਸਜ਼ ਵਿੰਗ ਬੋਅਜ਼ ਚੈਨ ਨੂੰ ਭੰਨ-ਤੋੜ ਕਰਕੇ ਅੰਦਰ ਜਾਣਾ, ਜਿਨਸੀ ਸ਼ੋਸ਼ਣ, ਅਤੇ ਜ਼ਬਰਦਸਤੀ ਕੈਦ ਦਾ ਦੋਸ਼ੀ ਮੰਨਣ ਤੋਂ ਬਾਅਦ 14 ਨਵੰਬਰ ਨੂੰ ਪੋਰਟ ਕੋਕੁਇਟਲਮ ਸੂਬਾਈ ਅਦਾਲਤ ਵਿਚ ਸਜ਼ਾ ਸੁਣਾਈ ਗਈ। ਚੋਰੀ ਕੀਤੀ ਗਈ ਕ੍ਰਿਪਟੋਕਰੰਸੀ ਦੀ ਦੀ ਡਿਟੇਲਸ ਨਹੀਂ ਦਿੱਤੀ ਗਈ ਪਰ ਜੱਜ ਨੇ ਚੈਨ ਨੂੰ ਡੀ.ਐਨ.ਏ. ਸੈਂਪਲ ਦੇਣ ਅਤੇ $50,000 ਦਾ ਹਰਜਾਨਾ ਭਰਨ ਦਾ ਵੀ ਆਦੇਸ਼ ਦਿੱਤਾ।
ਚੈਨ ਮੂਲ ਰੂਪ ਤੋਂ ਕੈਨੇਡਾ ਦੀ ਨਿਵਾਸੀ ਨਹੀਂ ਹੈ, ਉਸ ਨੂੰ ਜੁਲਾਈ 2024 ਵਿਚ ਵੈਨਕੂਵਰ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਕੈਨੇਡਾ ਵਿਚ ਦੁਬਾਰਾ ਦਾਖਲ ਹੋਣ ਦੀ ਕੋਸ਼ਿਸ਼ ਕਰਦੇ ਹੋਏ ਗ੍ਰਿਫਤਾਰ ਕੀਤਾ ਗਿਆ ਸੀ। ਪੁਲਿਸ ਦਾ ਮੰਨਣਾ ਹੈ ਕਿ ਚੈਨ ਨੇ ਇਹ ਕੰਮ ਇਕੱਲੇ ਨਹੀਂ ਕੀਤਾ ਸੀ ਅਤੇ ਹੋਰ ਸ਼ੱਕੀਆਂ ਦੀ ਪਛਾਣ ਕਰਨ ਲਈ ਜਾਂਚ ਜਾਰੀ ਹੈ।
