13.57C Vancouver 13.57C VancouverJun 9, 2020 8:30 PM -
ਅੱਜ ਸਵੇਰ ਸਰ੍ਹੀ ਦੇ ਵਾਲ੍ਹੀ ਇਲਾਕੇ ਵਿੱਚ ਕਈ ਲੋਕਾਂ ਵਿਚਕਾਰ ਹੋਈ ਝੜਪ ਦੌਰਾਨ ਗੋਲੀ ਚੱਲੀ।
ਇਸ ਹਾਦਸੇ ਵਿੱਚ ਇੱਕ ਵਿਅਕਤੀ ਜ਼ਖਮੀ ਹੋਇਆ ਜਿਸ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।
ਸਰ੍ਹੀ ਆਰ.ਸੀ.ਐਮ.ਪੀ. ਮੁਤਾਬਕ ਇਹ ਸਾਰੇ ਵਿਅਕਤੀ ਇੱਕ ਦੂਜੇ ਨੂੰ ਜਾਣਦੇ ਸਨ।
ਵਾਲ੍ਹੀ ਇਲਾਕੇ ਦੇ ਇੱਕ ਘਰ ਵਿੱਚ ਕਿਸੇ ਤਰ੍ਹਾਂ ਦੀ ਹਲਚਲ ਕਿ ਖ਼ਬਰ ਮਿਲਣ 'ਤੇ ਜਦ ਪੁਲੀਸ ਤਕਰੀਬਨ ਸਾਢੇ ਅੱਠ ਵਜੇ ਮੌਕੇ 'ਤੇ ਪਹੁੰਚੀ ਤਾਂ ਉਹਨਾਂ ਨੂੰ ਉੱਥੇ ਦੋ ਵਿਅਕਤੀ ਮਿਲੇ ਜਿਨ੍ਹਾਂ ਵਿੱਚੋਂ ਇੱਕ ਦੇ ਗੋਲੀ ਵੱਜੀ ਹੋਈ ਸੀ।
ਪੁਲੀਸ ਮੁਤਾਬਕ ਇਹ ਦੋਨੋਂ ਵਿਅਕਤੀ ਮੌਕੇ ਤੋਂ ਫ਼ਰਾਰ ਹੋਣ ਦੀ ਕੋਸ਼ਿਸ਼ ਵਿੱਚ ਸਨ।
ਪੀੜਤ ਦੀ ਜਾਨ ਨੂੰ ਕੋਈ ਖ਼ਤਰਾ ਨਹੀਂ ਹੈ।
ਪੁਲੀਸ ਦਾ ਮੰਨਣਾ ਹੈ ਕਿ ਉਹਨਾਂ ਦੇ ਮੌਕੇ 'ਤੇ ਪਹੁੰਚਣ ਤੋਂ ਪਹਿਲਾਂ, ਉੱਥੇ ਇੱਕ ਤੀਸਰਾ ਵਿਅਕਤੀ ਵੀ ਮੌਜੂਦ ਸੀ, ਪਰ ਉਹ ਮੌਕੇ ਤੋਂ ਨਿਕਲ ਕੇ ਕਿੱਧਰ ਗਿਆ, ਇਸ ਝੜਪ ਦਾ ਕਾਰਣ ਕੀ ਸੀ ਜਾਂ ਪੀੜਿਤ ਵਿਅਕਤੀ ਨੂੰ ਗੋਲੀ ਕਿੱਥੇ ਅਤੇ ਕਦੋਂ ਮਾਰੀ ਗਈ, ਅਜਿਹੇ ਬਹੁਤ ਸਾਰੇ ਸਵਾਲਾਂ ਦੇ ਪੁਲੀਸ ਕੋਲ ਫ਼ਿਲਹਾਲ ਕੋਈ ਜਵਾਬ ਨਹੀਂ ਹਨ।
ਪੁਲੀਸ ਮੁਤਾਬਕ ਇਸ ਹਾਦਸੇ ਕਾਰਣ ਆਮ ਜਨਤਾ ਦੀ ਸੁਰੱਖਿਆ ਨੂੰ ਕੋਈ ਖ਼ਤਰਾ ਨਹੀਂ ਹੈ।
