15.5C Vancouver 15.5C VancouverMay 11, 2025 7:59 AM - Connect Newsroom
ਪਾਕਿਸਤਾਨ ਦੀ ਸਰਹੱਦ ਨਾਲ ਲੱਗਦੇ ਸੂਬਿਆਂ 'ਚ ਸਥਿਤੀ ਹੁਣ ਆਮ ਵਰਗੀ ਹੋਣ ਲੱਗੀ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਭਾਰਤ-ਪਾਕਿਸਤਾਨ ਦਰਮਿਆਨ ਛਿੜੇ ਸੰਘਰਸ਼ 'ਚ ਸਰਹੱਦੀ ਖੇਤਰਾਂ ਦੇ ਹਾਲਾਤ ਅਤਿਅੰਤ ਨਾਜ਼ੁਕ ਹੋ ਗਏ ਸਨ। ਦੋਹਾਂ ਪਾਸਿਓਂ ਤੋਂ ਕੀਤੀ ਜਾ ਰਹੀ ਗੋਲੀਬਾਰੀ ਅਤੇ ਹਮਲਿਆਂ ਕਾਰਨ ਆਮ ਲੋਕਾਂ ਲਈ ਵੱਡੀ ਚਿੰਤਾ ਬਣ ਗਈ ਸੀ।
ਤਿੰਨਾਂ ਰਾਜਾਂ ਦੇ ਕਾਰੋਬਾਰ ਠੱਪ ਹੋ ਕੇ ਰਹਿ ਗਏ ਸਨ। ਤਿੰਨਾਂ ਸਰਹੱਦੀ ਸੂਬਿਆਂ ਦੇ ਬਹੁਤ ਸਾਰੇ ਹਵਾਈ ਅੱਡੇ ਆਵਾਜਾਈ ਲਈ ਬੰਦ ਕਰ ਦਿੱਤੇ ਗਏ ਸਨ। ਪੰਜਾਬ ਅਤੇ ਜੰਮੂ ਕਸ਼ਮੀਰ ਦੇ ਬਹੁਤ ਸਾਰੇ ਸਰਹੱਦੀ ਪਿੰਡਾਂ 'ਚੋਂ ਲੋਕ ਆਪਣੇ ਘਰ ਬਾਹਰ ਛੱਡਣ ਲਈ ਮਜ਼ਬੂਰ ਹੋ ਗਏ ਸਨ।
ਬੀਤੇ ਦਿਨ ਦੋਹਾਂ ਦੇਸ਼ਾਂ ਦਰਮਿਆਨ ਹੋਏ ਸੀਜ਼ਫਾਇਰ ਤੋਂ ਬਾਅਦ ਤਿੰਨਾਂ ਰਾਜਾਂ 'ਚ ਜੀਵਨ ਫਿਰ ਪਹਿਲਾਂ ਵਾਂਗ ਪਟੜੀ 'ਤੇ ਪਰਤਣ ਲੱਗਾ ਹੈ। ਐਤਵਾਰ ਦੀ ਸਵੇਰ ਨੂੰ ਹਾਲਾਤ ਕਾਫੀ ਹੱਦ ਤੱਕ ਆਮ ਵਰਗੇ ਹੁੰਦੇ ਦਿਖਾਈ ਦਿੱਤੇ। ਸਰਹੱਦੀ ਸ਼ਹਿਰਾਂ ਚ ਬਾਜ਼ਾਰ ਖੁੱਲ੍ਹਣ ਲੱਗੇ ਅਤੇ ਸਰਗਰਮੀਆਂ ਆਮ ਵਰਗੀਆਂ ਹੋ ਰਹੀਆਂ ਹਨ।
