7.56C Vancouver 7.56C VancouverMay 12, 2020 7:31 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਬੇਘਰ ਲੋਕ ਜਾਂ ਆਰਥਿਕ ਕਮਜ਼ੋਰੀ ਦਾ ਸਾਹਮਣਾ ਕਰ ਰਹੇ ਲੋਕ ਜਲਦੀ ਹੀ ਇੱਕ ਸਮਾਰਟਫੋਨ ਦੇ ਹੱਕਦਾਰ ਬਣ ਸਕਦੇ ਹਨ।
ਇਨ੍ਹਾਂ ਲੋਕਾਂ ਨੂੰ ਸਮਾਰਟਫੋਨ ਇਸ ਲਈ ਪ੍ਰਦਾਨ ਕੀਤੇ ਜਾ ਰਹੇ ਹਨ ਤਾਂ ਜੋ ਫਿਜ਼ੀਕਲ ਡਿਸਟੈਨਸਿੰਗ ਦੀ ਪਾਲਣਾ ਕਰਦੇ ਹੋਏ, ਇਨ੍ਹਾਂ ਲੋਕਾਂ ਨੂੰ ਸਹਿਯੋਗ ਸੇਵਾਵਾਂ ਹਾਸਿਲ ਕਰਨ ਜਾਂ ਆਪਣੇ ਦੋਸਤਾਂ ਅਤੇ ਪਰਿਵਾਰਾਂ ਦੇ ਨਾਲ ਸੰਪਰਕ ਬਣਾ ਕੇ ਰੱਖਣ 'ਚ ਕੋਈ ਪ੍ਰੇਸ਼ਾਨੀ ਨਾ ਹੋਵੇ।
ਸੋਸ਼ਲ ਡਵੈਲਪਮੈਂਟ ਅਤੇ ਪਾਵਰਟੀ ਰਿਡਕਸ਼ਨ ਮੰਤਰੀ (Social Development and Poverty Reduction minister) ਸ਼ੇਨ ਸਿੰਪਸਨ ਅਨੁਸਾਰ ਕਰੀਬ 3,500 ਸਮਾਰਟਫੋਨ ਦਿੱਤੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਇਸ ਦੇ ਆਸਰੇ ਬੇਘਰ ਲੋਕ ਸਹਿਯੋਗ ਸੇਵਾਵਾਂ ਹਾਸਿਲ ਕਰਨ 'ਚ ਕਾਮਯਾਬ ਹੋ ਸਕਣਗੇ ਅਤੇ ਨਾਲ ਹੀ ਇਸ ਸੰਕਟ ਦੀ ਘੜੀ 'ਚ ਆਪਣੇ ਕਰੀਬੀਆਂ ਦੇ ਸੰਪਰਕ 'ਚ ਰਹਿਣ ਵਿੱਚ ਆਸਾਨੀ ਮਹਿਸੂਸ ਕਰਨਗੇ।
ਸਿੰਪਸਨ ਨੇ ਦੱਸਿਆ ਕਿ 1,000 ਸਮਾਰਟਫੋਨਾਂ ਦੀ ਵੰਢ ਪਹਿਲਾਂ ਹੀ ਹੋ ਚੁੱਕੀ ਹੈ।
ਇਸ ਦੇ ਵਿੱਚ 200 ਸਮਾਰਟਫੋਨ ਉਨ੍ਹਾਂ ਲੋਕਾਂ ਨੂੰ ਦਿੱਤੇ ਗਏ ਹਨ, ਜਿੰਨਾ ਨੂੰ ਵਿਕਟੋਰੀਆ ਦੇ ਕੈਂਪਾਂ ਜਾਂ ਵੈਨਕੂਵਰ 'ਚ ਓਪਨਹਾਈਮਰ ਪਾਰਕ ਤੋਂ ਹਟਾ ਕੇ ਹੋਟਲਾਂ 'ਚ ਰਹਿਣ ਦੀ ਜਗ੍ਹਾ ਦਿੱਤੀ ਗਈ ਹੈ।
ਮੰਤਰੀ ਨੇ ਦੱਸਿਆ ਕਿ ਬੇਘਰ ਲੋਕਾਂ ਨੂੰ ਸੇਵਾਵਾਂ ਅਤੇ ਸਹਿਯੋਗ ਪ੍ਰਦਾਨ ਕਰਨ ਵਾਲੇ ਸੰਗਠਨਾਂ ਵੱਲੋਂ ਇਨ੍ਹਾਂ ਸਮਾਰਟਫੋਨਜ਼ ਦੀ ਵੰਢ ਕੀਤੀ ਜਾ ਰਹੀ ਹੈ।
ਪ੍ਰਦਾਨ ਕੀਤੇ ਜਾ ਰਹੇ ਫੋਨਾਂ ਦੇ ਵਿੱਚ ਵਾਈ-ਫਾਈ ਨਾਲ ਕਨੈਕਸ਼ਨ ਬਣਾਇਆ ਜਾ ਸਕਦਾ ਹੈ ਅਤੇ ਇਸ ਦੇ ਵਿੱਚ $10 ਦਾ ਪ੍ਰੀ-ਲੋਡਿਡ (pre-loaded) ਡਾਟਾ ਕਾਰਡ ਵੀ ਹੈ, ਜਿਸ ਦੇ ਨਾਲ ਲੋਕਾਂ ਲਈ ਇੰਟਰਨੈਟ ਦੀ ਵਰਤੋਂ ਆਸਾਨ ਹੋ ਸਕੇਗੀ।
ਸੋਸ਼ਲ ਪਲੈਨਿੰਗ ਅਤੇ ਰਿਸਰਚ ਕਾਉਂਸਿਲ ਆਫ ਬੀ.ਸੀ. (Social Planning and Research Council of B.C.) ਦੇ ਐਗਜ਼ੀਕਿਟਿਵ ਡਾਇਰੈਕਟਰ, ਲੌਰੇਨ ਕੋਪਾਸ ਦਾ ਕਹਿਣਾ ਹੈ ਕਿ ਬੁਨਿਆਦੀ ਕਮਿਊਨੀਕੇਸ਼ਨ ਇਹ ਯਕੀਨੀ ਬਣਾਉਣ 'ਚ ਮਦਦ ਪ੍ਰਦਾਨ ਕਰਦੀ ਹੈ ਕਿ ਇਸ ਪੈਂਡੇਮਿਕ ਦੇ ਦੌਰਾਨ ਲੋੜੀਂਦੇ ਫਿਜ਼ੀਕਲ ਡਿਸਟੈਨਸਿੰਗ ਜਿਹੇ ਕਦਮਾਂ ਦਾ ਧਿਆਨ ਰੱਖਿਆ ਜਾਵੇ।
