11.4C Vancouver 11.4C VancouverSep 2, 2020 12:14 AM -
ਅੱਜ ਕੈਮਲੂਪਸ ਹਵਾਈ ਅੱਡੇ ਤੋਂ ਦੋ ਸਨੋਅਬਰਡ ਜੈਟ ਜਹਾਜ਼ਾਂ ਨੇ ਉਡਾਣ ਭਰੀ।
ਇਨ੍ਹਾਂ ਜਹਾਜ਼ਾਂ ਨੂੰ ਇਲਾਕੇ 'ਚ ਵਾਪਰੇ ਕ੍ਰੈਸ਼ ਤੋਂ ਕਰੀਬ 3 ਮਹੀਨੇ ਬਾਅਦ ਉਡਾਣ ਭਰਨ ਦਾ ਮੌਕਾ ਮਿਲਿਆ ਹੈ।
17 ਮਈ ਨੂੰ ਵਾਪਰੇ ਕ੍ਰੈਸ਼ 'ਚ ਕੈਪਟਨ ਜੈਨੀਫਰ ਕੇਸੀ ਦੀ ਮੌਤ ਹੋ ਗਈ ਸੀ।
ਜਹਾਜ਼ ਦੇ ਪਾਈਲਟ, ਕੈਪਟਨ ਰਿਚਰਡ ਮੈਕਡੁਗਲ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਕੈਮਲੂਪਸ ਕਾਉਂਸਲਰ ਬਿਲ ਸੁਰੇ ਉਸੇ ਇਲਾਕੇ ਦੇ ਨੇੜੇ ਰਹਿੰਦੇ ਹਨ, ਜਿੱਥੇ ਪਲੇਨ ਕ੍ਰੈਸ਼ ਦੀ ਘਟਨਾ ਵਾਪਰੀ ਸੀ।
ਉਨ੍ਹਾਂ ਕਿਹਾ ਕਿ ਇਲਾਕੇ 'ਚ ਇਨ੍ਹਾਂ ਜਹਾਜ਼ਾਂ ਦਾ ਉੱਡਣਾ ਭਾਵੁਕ ਕਰਨ ਵਾਲਾ ਮੌਕਾ ਹੈ।
ਉਨ੍ਹਾਂ ਕਿਹਾ ਕਿ ਇਲਾਕੇ ਦੇ ਨਿਵਾਸੀਆਂ ਨੂੰ ਜੇਕਰ ਇਸ ਬਾਰੇ ਪਹਿਲਾਂ ਨੋਟਿਸ ਦਿੱਤਾ ਗਿਆ ਹੁੰਦਾ, ਤਾਂ ਹਵਾਈ ਅੱਡੇ ਵੱਲ ਜਾਂਦੀ ਸੜਕ 'ਤੇ ਸ਼ਰਧਾਂਜਲੀ ਭੇਂਟ ਕਰਨ ਲਈ ਵੱਡੀ ਗਿਣਤੀ 'ਚ ਲੋਕ ਉਪਸਥਿਤ ਰਹਿਣੇ ਸਨ।
