ਦੱਖਣ-ਪੂਰਬੀ ਬੀ.ਸੀ. ਵਿਚ ਬਰਫਬਾਰੀ ਦੀ ਚਿਤਾਵਨੀ ਕੀਤੀ ਗਈ ਜਾਰੀ

ਦੱਖਣ-ਪੂਰਬੀ ਬੀ.ਸੀ. ਵਿਚ ਅੱਜ 20 ਸੈਂਟੀਮੀਟਰ ਤੱਕ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਹੈ, ਜਿਸ ਨਾਲ ਕੜਾਕੇ ਦੀ ਸਰਦੀ ਦੀ ਸ਼ੁਰੂਆਤ ਹੋਣ ਦੀ ਉਮੀਦ ਹੈ। ਇਨਵਾਇਰਮੈਂਟ ਕੈਨੇਡਾ ਨੇ ਐਲਕ ਵੈਲੀ ਖੇਤਰ ਲਈ ਬਰਫਬਾਰੀ ਦੀ ਚੇਤਾਵਨੀ ਜਾਰੀ ਕੀਤੀ ਹੈ, ਜੋ ਕਿ ਐਲਬਰਟਾ ਸੀਮਾ ਦੇ ਨਾਲ ਲੱਗਦਾ ਹੈ, ਇਸ ਵਿਚ ਫਰਨੀ ਅਤੇ ਆਸਪਾਸ ਦੇ ਖੇਤਰ ਵੀ ਸ਼ਾਮਲ ਹਨ।

ਮੌਸਮ ਏਜੰਸੀ ਨੇ ਕਿਹਾ ਕਿ ਸ਼ਾਮ ਤੱਕ ਬਰਫ਼ਬਾਰੀ ਬੰਦ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਇਨਵਾਇਰਮੈਂਟ ਕੈਨੇਡਾ ਨੇ ਦੱਸਿਆ ਕਿ ਪੈਸੀਫਿਕ ਫਰੰਟਲ ਸਿਸਟਮ ਬੀ.ਸੀ. ਕੋਸਟ ਨਾਲ ਟਕਰਾਉਣ ਕਾਰਨ ਵੀਕੈਂਡ 'ਤੇ ਮੈਟਰੋ ਵੈਨਕੂਵਰ, ਹਾਊ ਸਾਊਂਡ ਅਤੇ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ ਵਿਚ ਭਾਰੀ ਬਾਰਿਸ਼ ਹੋਈ।

ਏਜੰਸੀ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਸਕੁਆਮਿਸ਼ ਵਿਚ 66 ਮਿਲੀਮੀਟਰ,ਉੱਤਰੀ ਵੈਨਕੂਵਰ ਆਈਲੈਂਡ ਦੇ ਜ਼ੈਬਾਲੋਸ ਇਲਾਕੇ ਵਿਚ 65 ਮਿਲੀਮੀਟਰ ਅਤੇ ਉੱਤਰ-ਪੂਰਬੀ ਮੈਟਰੋ ਵੈਨਕੂਵਰ ਦੇ ਪੋਰਟ ਮੂਡੀ ਵਿਚ 50 ਮਿਲੀਮੀਟਰ ਬਾਰਸ਼ ਰਿਕਾਰਡ ਕੀਤੀ ਗਈ।