ਸੋਬੀਜ਼ ਵਲੋਂ ਕਰੋਨਾਵਾਇਰਸ ਦੇ ਫੈਲਾਅ ਨੂੰ ਰੋਕਣ ਲਈ ਸਟੋਰਾਂ ਵਿੱਚ ਪਲੈਕਸੀਗਲਾਸ ਇੰਸਟਾਲ

ਆਪਣੇ ਸਟੋਰਾਂ ਤੇ ਕਰੋਨਾਵਾਇਰਸ ਦੇ ਫੈਲਾਅ ਨੂੰ ਰੋਕਣ ਲਈ ਅਤੇ ਗਾਹਕਾਂ ਤੇ ਮੁਲਾਜ਼ਮਾਂ ਨੂੰ ਸੁਰੱਖਿਅਤ ਰੱਖਣ ਲਈ ਸੋਬੀਜ਼ ਗਰੋਸਰੀ ਚੇਨ ਵੱਲੋਂ ਕਦਮ ਚੁੱਕੇ ਜਾ ਰਹੇ ਹਨ।

ਕੱਲ੍ਹ ਰਾਤ ਤੋਂ ਕੰਪਨੀ ਵੱਲੋਂ ਕਈ ਸਟੋਰਾਂ ਵਿੱਚ ਕੈਸ਼ੀਅਰਜ਼ ਦੇ ਕਾਊਂਟਰਾਂ ਤੇ ਪਲੈਕਸੀਗਲਾਸ ਇੰਸਟਾਲ ਕੀਤਾ ਜਾ ਰਿਹਾ ਹੈ ਅਤੇ ਅਜਿਹਾ ਸਾਰੇ ਸਟੋਰਾਂ ਤੇ ਕਰਨ ਦੀ ਯੋਜਨਾ ਹੈ।

ਕੰਪਨੀ ਵੱਲੋਂ ਆਪਣੇ ਮੁਲਾਜ਼ਮਾਂ ਉੱਤੇ ਹਰ 15 ਮਿੰਟ ਬਾਅਦ ਹੱਥ ਧੋਣ ਦਾ ਨਿਯਮ ਵੀ ਲਾਗੂ ਕੀਤਾ ਗਿਆ ਹੈ ਅਤੇ ਸਟੋਰਾਂ ਨੂੰ ਸੈਨੀਟਾਈਜ਼ ਕਰਨ ਲਈ ਸਟੋਰਾਂ ਦੇ ਖੁੱਲ੍ਹੇ ਰਹਿਣ ਦੇ ਸਮੇਂ ਵਿੱਚ ਵੀ ਤਬਦੀਲੀ ਕੀਤੀ ਗਈ ਹੈ।