26.75C Vancouver 26.75C VancouverMar 29, 2020 4:15 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਉਹ ਤਕਰੀਬਨ ਦੋ ਹੋਰ ਹਫਤਿਆਂ ਲਈ ਆਪਣੇ ਓਟਵਾ ਵਾਲੇ ਘਰ ਵਿੱਚ ਸੇਲਫ਼ ਆਇਸੋਲੇਸ਼ਨ ਵਿੱਚ ਰਹਿਣਗੇ।
ਕੱਲ੍ਹ ਉਨ੍ਹਾਂ ਦੀ ਪਤਨੀ ਸੋਫੀ ਗ੍ਰੇਗੋਆਰ ਟਰੂਡੋ ਨੇ ਟਵੀਟ ਕੀਤਾ ਸੀ ਕਿ ਉਹ ਹੁਣ ਕੋਵਿਡ-19 ਦੀ ਇਨਫੈਕਸ਼ਨ ਤੋਂ ਮੁਕਤ ਹੋ ਗਏ ਹਨ ਪਰ ਜਸਟਿਨ ਟਰੂਡੋ ਨੇ ਕਿਹਾ ਕਿ ਉਹ ਪਬਲਿਕ ਹੈਲਥ ਹਦਾਇਤਾਂ ਦੀ ਪਾਲਨਾ ਕਰਦੇ ਹੋਏ ਦੋ ਹਫਤਿਆਂ ਤੱਕ ਆਇਸੋਲੇਸ਼ਨ ਵਿੱਚ ਰਹਿਣਗੇ।
ਸੋਫੀ ਟਰੂਡੋ ਦਾ ਟੈਸਟ ਪਾਜ਼ੀਟਿਵ ਆਉਣ ਤੋਂ ਬਾਅਦ ਟਰੂਡੋ 13 ਮਾਰਚ ਨੂੰ ਸੈਲਫ਼ ਆਇਸੋਲੇਸ਼ਨ ਵਿੱਚ ਗਏ ਸਨ ਪਰ ਉਨ੍ਹਾਂ ਕਿਹਾ ਕਿ ਅਜੇ ਵੀ ਸੰਭਾਵਨਾ ਹੈ ਕਿ ਉਨ੍ਹਾਂ ਨੂੰ ਇਨਫੈਕਸ਼ਨ ਹੋਈ ਹੋ ਸਕਦੀ ਹੈ ਅਤੇ ਉਹ ਬਾਕੀ ਕੈਨੇਡੀਅਨਾਂ ਵਾਂਗ ਘਰੋਂ ਹੀ ਕੰਮ ਕਰਨਗੇ।
ਉਨ੍ਹਾਂ ਕਿਹਾ ਕਿ ਸੋਫ਼ੀ ਟਰੂਡੋ ਬੱਚਿਆਂ ਨੂੰ ਲੈਕੇ ਕਿਊਬੈੱਕ ਵਿੱਚ ਹੈਰਿੰਗਟਨ ਲੇਕ ਸਥਿਤ ਉਨ੍ਹਾਂ ਦੇ ਦੂਸਰੇ ਘਰ ਚਲੇ ਗਏ ਹਨ।
