18.17C Vancouver 18.17C VancouverSep 16, 2020 4:31 PM -
ਬੀ.ਸੀ. ਦੇ ਕੁਝ ਖੇਤਰਾਂ ਵਿਚ ਧੂੰਆਂ ਹੁਣ ਹੱਟ ਰਿਹਾ ਹੈ, ਪਰ ਇਨਵਾਇਰਮੈਂਟ ਕੈਨੇਡਾ ਦੁਆਰਾ ਅਜੇ ਵੀ ਸੂਬੇ ਦੇ ਦੱਖਣੀ ਹਿੱਸੇ ਵਾਸਤੇ ਏਅਰ ਕੁਆਲਿਟੀ ਸਟੇਸਮੈਂਟਸ ਨੂੰ ਜਾਰੀ ਰੱਖਇਆ ਜਾ ਰਿਹਾ ਹੈ।
ਕਈ ਦਿਨਾਂ ਵਿਚ ਪਹਿਲੀ ਵਾਰ, ਮੌਸਮ ਵਿਭਾਗ ਵੱਲੋਂ ਵੈਨਕੂਵਰ ਆਈਲੈਂਡ ਦੇ ਉੱਤਰੀ ਹਿੱਸੇ, ਸਨਸ਼ਾਈਨ ਕੋਅਸਟ ਅਤੇ ਥੌਂਮਸਨ ਖੇਤਰ ਦੇ ਸਾਰੇ ਹਿੱਸਿਆ ਵਾਸਤੇ ਧੁੰਧਲੇ ਅਸਮਾਨ ਬਾਬਤ ਬੁਲੇਟਨਸ ਨੂੰ ਹਟਾਇਆ ਗਿਆ ਹੈ।
ਪਰ ਨਾਲ ਹੀ ਉਨ੍ਹਾਂ ਦਾ ਇਹ ਵੀ ਕਹਿਣਾ ਹੈ ਕਿ ਉੱਤਰ ਵੱਲ ਵੱਧ ਰਿਹਾ ਵੌਸ਼ਿੰਗਟਨ ਸਟੇਟ, ਓਰੇਗਨ ਅਤੇ ਕੈਲੀਫੌਰਨੀਆ ਤੋਂ ਆ ਰਿਹਾ ਧੂੰਆਂ ਅਜੇ ਜਾਰੀ ਰਹੇਗਾ ਅਤੇ ਇਸ ਦੇ ਹਫ਼ਤੇ ਦੇ ਅੰਤ ਤੱਕ ਬਰਕਰਾਰ ਰਹਿਣ ਦਾ ਅੰਦਾਜ਼ਾ ਹੈ।
ਬੁੱਧਵਾਰ ਸਵੇਰੇ ਸੂਬੇ ਦੇ ਕੁਝ ਖੇਤਰਾਂ ਵਿਚ ਏਅਰ ਕੁਆਲਿਟੀ ਹੈਲਥ ਇਨਡੈਕਸ ਵਿਚ ਹਲਕਾ ਸੁਧਾਰ ਹੋਇਆ ਹੈ। ਸਿਰਫ਼ ਕੈਸਲਗਾਰ, ਨਨਾਇਮੋ ਅਤੇ ਓਕ਼ਨਾਗਨ ਵਿਚ ਹੀ ਹੁਣ ਹਵਾ ਦੀ ਗੁਣਵੱਤਾ, 10 ਅੰਕਾਂ ਦੇ ਸਕੇਲ 'ਤੇ ਚੋਟੀ 'ਤੇ ਹੈ।
ਦੱਖਣੀ ਬੀ.ਸੀ. ਵਾਸਤੇ ਵੀਰਵਾਰ ਨੂੰ ਇਸ ਧੂੰਏਂ ਦਾ ਵਧੇਰੇ ਖ਼ਤਰਾ ਹੈ।
ਬਜ਼ੁਰਗਾਂ, ਬੱਚਿਆਂ ਅਤੇ ਸਿਹਤ ਸੰਬੰਧੀ ਦਿੱਕਤਾਂ ਵਾਲੇ ਲੋਕਾਂ ਨੂੰ ਘਰਾਂ ਦੇ ਬਾਹਰ ਸਰੀਰਕ ਜ਼ੋਰ ਵਾਲਾ ਕੰਮ ਨਾ ਕਰਨ ਦੀ ਹਿਦਾਇਤ ਦਿੱਤੀ ਜਾ ਰਹੀ ਹੈ।
