ਨੌਰਥ ਐ਼ਡਮਿੰਟਨ ਦੇ ਕੁਝ ਪੇਂਡੂ ਇਲਾਕਿਆਂ ਵਿਚ ਜੰਗਲੀ ਅੱਗ ਕਾਬੂ,ਲੋਕਾਂ ਨੂੰ ਘਰ ਵਾਪਸੀ ਦੀ ਛੋਟ

ਨੌਰਥ ਐਡਮਿੰਟਨ ਦੇ ਕੁਝ ਪੇਂਡੂ ਇਲਾਕਿਆਂ ਨੂੰ ਜੰਗਲੀ ਅੱਗ ਕਾਰਨ ਦੋ ਦਿਨ ਪਹਿਲਾਂ ਖਾਲੀ ਕਰਵਾਇਆ ਗਿਆ ਸੀ ਅਤੇ ਹੁਣ ਕੁਝ ਲੋਕਾਂ ਨੂੰ ਘਰ ਵਾਪਸੀ ਦੇ ਹੁਕਮ ਦੇ ਦਿੱਤੇ ਗਏ ਹਨ। ਐਥਾਬੈਸਕਾ ਕਾਉਂਟੀ ਨੇ ਸੋਸ਼ਲ ਮੀਡੀਆ 'ਤੇ ਜਾਣਕਾਰੀ ਦਿੱਤੀ ਕਿ ਬੋਇਲ ਪਿੰਡ ਅਤੇ ਨੇੜਲੇ ਇਲਾਕਿਆਂ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਦਿੱਤੇ ਗਏ ਆਰਡਰ ਹਟਾ ਦਿੱਤੇ ਗਏ ਹਨ ।

ਸਾਊਥ ਬੋਇਲ ਦੇ ਹਾਈਵੇਅ 831 ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਅਜੇ ਕੁਝ ਸਮਾਂ ਘਰਾਂ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕਰੂ ਅੱਗ ਨੂੰ ਕਾਬੂ ਪਾਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ।

ਥੋਰਹਿਲਡ ਕਾਊਂਟੀ ਦੇ ਕੁਝ ਲੋਕਾਂ ਨੂੰ ਵੀ ਘਰਾਂ ਵਿਚ ਵਾਪਸ ਆਉਣ ਦੀ ਛੋਟ ਮਿਲ ਗਈ ਹੈ ਪਰ ਦੋਬਾਰਾ ਘਰ ਛੱਡਣ ਦੀ ਵੀ ਤਿਆਰੀ ਰੱਖਣ ਲਈ ਕਿਹਾ ਗਿਆ ਹੈ। ਸਟਰਜਨ ਕਾਊਂਟੀ ਦੇ ਲੋਕ ਅਜੇ ਘਰਾਂ ਤੋਂ ਬਾਹਰ ਹੀ ਹਨ। ਰੈੱਡਵਾਟਰ ਟਾਊਨ ਦੇ 2,000 ਨਾਗਰਿਕਾਂ ਨੂੰ ਕਿਸੇ ਵੀ ਸਮੇਂ ਘਰ ਛੱਡਣ ਲਈ ਤਿਆਰ ਰਹਿਣ ਲਈ ਕਿਹਾ ਗਿਆ ਹੈ।