18.68C Vancouver 18.68C VancouverSep 24, 2020 10:33 PM -
ਬੀ.ਸੀ. ਗ੍ਰੀਨ ਪਾਰਟੀ ਲੀਡਰ, ਸੋਨੀਆ ਫਰਸਟੇਨਾਊ ਦਾ ਕਹਿਣਾ ਹੈ ਕਿ ਐਨ.ਡੀ.ਪੀ. ਵੱਲੋਂ ਗਲਤ ਕਿਹਾ ਜਾ ਰਿਹਾ ਹੈ ਕਿ ਬੀ.ਸੀ. ਗ੍ਰੀਨਸ ਸੂਬੇ 'ਚ ਚਾਈਲਡ ਕੇਅਰ ਦੀ ਬਿਹਤਰੀ 'ਚ ਅੜਿੱਕਾ ਬਣ ਰਹੇ ਸਨ।
ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਮਾਈਨੌਰੀਟੀ ਸਰਕਾਰ, ਆਪਣੇ 2017 ਦੇ ਚਾਈਲਡ ਕੇਅਰ ਨੂੰ $10 'ਤੇ ਉਪਲੱਬਧ ਕਰਵਾਉਣ ਦੇ ਵਾਅਦੇ 'ਤੇ ਖਰੀ ਨਹੀਂ ਉੱਤਰ ਸਕੀ ਸੀ, ਕਿਉਂਕਿ ਗ੍ਰੀਨਸ ਸਹਿਯੋਗ ਨਹੀਂ ਕਰ ਰਹੇ ਸਨ।
ਪਰ ਇੱਕ ਬਿਆਨ 'ਚ ਫਰਸਟੇਨਾਊ ਦਾ ਕਹਿਣਾ ਸੀ ਕਿ ਉਹ ਇਸ ਕਨੂੰਨ ਨੂੰ ਪਾਸ ਕੀਤੇ ਜਾਣ ਲਈ ਪੂਰਾ ਸਹਿਯੋਗ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਹੌਰਗਨ ਨੇ ਇਸ ਦੇ ਬਾਵਜੂਦ ਚੋਣਾਂ ਕਰਵਾਉਣ ਦਾ ਫੈਸਲਾ ਲੈ ਲਿਆ।
ਬੀ.ਸੀ. ਗ੍ਰੀਨ ਪਾਰਟੀ ਲੀਡਰ, ਸੋਨੀਆ ਫਰਸਟੇਨਾਊ ਨੇ ਅੱਜ ਯੂਨੀਅਨ ਆਫ ਬੀ.ਸੀ. ਮਯੂਨਿਸਿਪਾਲਿਟੀਜ਼ ਦਾ ਗੱਲਬਾਤ ਕੀਤੀ, ਅਤੇ ਕਿਹਾ ਕਿ ਸੂਬੇ 'ਚ ਚੋਣਾਂ ਗੈਰਜ਼ਰੂਰੀ ਸਨ।
ਫਰਸਟੇਨਾਊ ਨੇ ਕਿਹਾ ਕਿ ਮਾਈਨੌਰੀਟੀ ਸਰਕਾਰ ਦੇ ਕਨੂੰਨ ਹੋਰ ਵੀ ਮਜ਼ਬੂਤ ਸਨ, ਕਿਉਂਕਿ ਹਰ ਫੈਸਲੇ 'ਤੇ ਦੋ ਕੌਕਸ ਗੌਰ ਕਰ ਰਹੇ ਸਨ।
ਉਨ੍ਹਾਂ ਕਿਹਾ ਕਿ, ਮਨੀ ਲੌਂਡਰਿੰਗ, ਲੌਬੀ ਰਿਫਾਰਮ ਅਤੇ ਕਈ ਹੋਰ ਅਹਿਮ ਫੈਸਲਿਆਂ 'ਚ ਬੀ.ਸੀ. ਗ੍ਰੀਨਸ ਦੀ ਅਹਿਮ ਭੂਮਿਕਾ ਰਹੀ ਸੀ।
