Sooke RCMP seek public help to identify suspects in counterfeit currency case

ਸੂਕ ਆਰ.ਸੀ.ਐਮ.ਪੀ. ਨੇ ਨਕਲੀ ਕਰੰਸੀ ਮਾਮਲੇ 'ਚ ਦੋ ਸ਼ੱਕੀਆਂ ਦੀ ਪਛਾਣ ਲਈ ਜਨਤਾ ਤੋਂ ਮੰਗੀ ਮਦਦ

Share On

sooke-rcmp-seek-public-help-to-identify-suspects-in-counterfeit-currency-case

Sooke RCMP are asking for help identifying two suspects linked to an alleged counterfeit currency incident at a local gas station. (Photo: X Sooke RCMP)

ਬੀ.ਸੀ. ਵਿਚ ਨਕਲੀ ਕਰੰਸੀ ਦੇ ਲਗਾਤਾਰ ਮਾਮਲੇ ਦੇਖਣ ਨੂੰ ਮਿਲ ਰਹੇ ਹਨ। ਤਾਜ਼ਾ ਮਾਮਲਾ ਵੈਨਕੂਵਰ ਆਈਲੈਂਡ ਦੀ ਸੂਕ ਕਮਿਊਨਿਟੀ ਦਾ ਹੈ, ਜਿੱਥੇ ਨਕਲੀ ਕਰੰਸੀ ਚਲਾਉਣ ਦੇ ਮਾਮਲੇ ਵਿਚ ਆਰ.ਸੀ.ਐਮ.ਪੀ. ਨੇ ਦੋ ਸ਼ੱਕੀ ਵਿਅਕਤੀਆਂ ਦੀ ਪਛਾਣ ਕਰਨ ਲਈ ਇਲਾਕਾ ਨਿਵਾਸੀਆਂ ਅਤੇ ਕਾਰੋਬਾਰੀਆਂ ਤੋਂ ਸਹਿਯੋਗ ਮੰਗਿਆ ਹੈ।

ਹਾਲ ਹੀ ਦੇ ਦਿਨਾਂ ਵਿਚ ਸੂਕ ਵਿਚ ਕਾਰੋਬਾਰਾਂ 'ਤੇ $100 ਦੇ ਜਾਅਲੀ ਨੋਟ ਚੱਲਣ ਦੀਆਂ ਰਿਪੋਰਟਾਂ ਮਿਲੀਆਂ ਹਨ। ਪੁਲਿਸ ਨੇ ਇਸ ਸਬੰਧੀ ਨਿਗਰਾਨੀ ਕੈਮਰੇ ਤੋਂ ਪ੍ਰਾਪਤ ਤਸਵੀਰਾਂ ਜਾਰੀ ਕੀਤੀਆਂ ਹਨ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕੋਈ ਇਨ੍ਹਾਂ ਵਿਅਕਤੀਆਂ ਨੂੰ ਪਛਾਣਦਾ ਹੈ ਤਾਂ ਤੁਰੰਤ ਸੂਚਨਾ ਦਿੱਤੀ ਜਾਵੇ। ਆਰ.ਸੀ.ਐਮ.ਪੀ. ਨੇ ਵਪਾਰੀਆਂ ਅਤੇ ਨਕਦ ਲੈਣ-ਦੇਣ ਕਰਨ ਵਾਲਿਆਂ ਨੂੰ ਖਾਸ ਤੌਰ 'ਤੇ ਸੁਚੇਤ ਰਹਿਣ ਲਈ ਕਿਹਾ ਹੈ।

ਸੂਕ ਆਰ.ਸੀ.ਐਮ.ਪੀ. ਅਨੁਸਾਰ, 20 ਦਸੰਬਰ ਦੀ ਸ਼ਾਮ ਨੂੰ ਦੋ ਸ਼ੱਕੀ ਇੱਕ ਗੈਸ ਸਟੇਸ਼ਨ 'ਤੇ 'ਪਹੁੰਚੇ ਅਤੇ ਉੱਥੇ 100 ਡਾਲਰ ਦਾ ਨਕਲੀ ਨੋਟ ਚਲਾ ਕੇ ਫ਼ਰਾਰ ਹੋ ਗਏ। ਇਨ੍ਹਾਂ ਦੀ ਉਮਰ 20 ਤੋਂ 30 ਸਾਲ ਵਿਚਕਾਰ ਹੋਣ ਦਾ ਅਨੁਮਾਨ ਲਗਾਇਆ ਗਿਆ ਹੈ।

ਬੀ.ਸੀ.ਆਰ.ਸੀ.ਐਮ.ਪੀ. ਦੇ ਬੁਲਾਰੇ ਕਾਰਪੋਰਲ ਐਲੇਕਸ ਬੇਰੂਬੇ ਨੇ ਕਿਹਾ ਕਿ ਕਾਰੋਬਾਰਾਂ ਦੇ ਮਾਲਕਾਂ ਅਤੇ ਲੋਕਾਂ ਨੂੰ ਨਕਲੀ ਨੋਟਾਂ ਦੀ ਪਛਾਣ ਬਾਰੇ ਜਾਗੂਰਕ ਰਹਿਣਾ ਚਾਹੀਦਾ ਹੈ ਅਤੇ ਜੇ ਕੋਈ ਨੋਟ ਸ਼ੱਕੀ ਲੱਗਦਾ ਹੈ ਤਾਂ ਉਸ ਨੂੰ ਲੈਣ ਤੋਂ ਸਿੱਧਾ ਇਨਕਾਰ ਕਰ ਦਿਓ ਅਤੇ ਜੇ ਕੋਈ ਨੋਟ ਮਿਲ ਚੁੱਕਾ ਹੈ ਤਾਂ ਉਸ ਦੀ ਪੁਲਿਸ ਨੂੰ ਰਿਪੋਰਟ ਦਿੱਤੀ ਜਾ ਸਕਦੀ ਹੈ।

ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਵਿਚ ਇੱਕ ਅਣਜਾਣ 'ਤੇ ਚਾਕੂ ਨਾਲ ਹਮਲਾ ਕਰਨ ਦੇ ਮਾਮਲੇ ਵਿਚ ਪੁਲਿਸ ਨੇ ਇੱਕ 29 ਸਾਲਾ ਮਹਿਲਾ ਨੂੰ ਗ੍ਰਿਫ਼ਤਾਰ ਕਰਕੇ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਮੁਤਾਬਕ, ਇਹ ਮਹਿਲਾ ਪਹਿਲਾਂ ਹੀ ਹੋਰ ਮਾਮਲਿਆਂ ਵਿਚ ਵਾਂਟੇਡ ਚੱਲ ਰਹੀ ਸੀ। ਔਫੀਸਰ ਨੇ ਕਿਹਾ ਕਿ 18 ਜਨਵਰੀ ਨੂੰ ਤੜਕੇ ਲਗਭਗ 2:50 ਵਜੇ ਹੈਸਟਿੰਗਜ਼ ਅਤੇ ਐਬਟ ਸਟ੍ਰੀਟਸ ਨੇੜੇ ਗਸ਼ਤ ਕਰ ਰਹੇ ਇੱਕ ਪੁਲਿਸ ਅਧਿਕਾਰੀ ਨੂੰ ਕੁਝ ਲੋਕਾਂ ਨੇ ਰੋਕ ਕੇ ਜਾਣਕਾਰੀ ਦਿੱਤੀ ਸੀ ਕਿ ਉਨ੍ਹਾਂ ਦੇ ਦੋਸਤ 'ਤੇ ਇੱਕ ਅਣਪਛਾਤੀ ਮਹਿਲਾ ਨੇ ਹਮਲਾ ਕੀਤਾ ਹੈ। ਦੋਸ਼ ਹੈ ਕਿ ਉਸ ਨੇ ਚਾਕੂ ਨਾਲ 31 ਸਾਲਾ ਪੀੜਤ ਨੌਜਵਾਨ ਦੇ ਮੋਢੇ 'ਤੇ ਗੰਭੀਰ ਜ਼ਖ਼ਮ ਕਰ ਦਿੱਤੇ ਸਨ।