ਪੁਰਤਗਾਲ ਦੇ ਦਿੱਗਜ ਖਿਡਾਰੀ ਡਿਓਗੋ ਜੋਟਾ ਦੀ ਕਾਰ ਹਾਦਸੇ ਵਿਚ ਮੌਤ

ਪੁਰਤਗਾਲ ਅਤੇ ਲਿਵਰਪੂਲ ਫੁੱਟਬਾਲ ਕਲੱਬ ਦੇ ਦਿੱਗਜ ਖਿਡਾਰੀ ਡਿਓਗੋ ਜੋਟਾ ਦੀ ਸਪੇਨ ਵਿਚ ਕਾਰ ਹਾਦਸੇ ਵਿਚ ਮੌਤ ਹੋ ਗਈ ਹੈ। ਉਹ 28 ਸਾਲ ਦੇ ਸਨ। ਇਹ ਘਟਨਾ ਸਥਾਨਕ ਸਮੇਂ ਅਨੁਸਾਰ, ਰਾਤ 12:30 ਵਜੇ ਦੇ ਕਰੀਬ ਉੱਤਰ-ਪੱਛਮੀ ਸਪੇਨ ਦੇ ਸਰਨਾਡੀਲਾ ਸ਼ਹਿਰ ਨੇੜੇ ਵਾਪਰੀ। ਉਹ ਲੈਂਬੋਰਗਿਨੀ ਵਿਚ ਸਵਾਰ ਸਨ, ਜੋ ਸੜਕ ਤੋਂ ਪਲਟ ਗਈ ਅਤੇ ਅੱਗ ਲੱਗ ਗਈ।

ਜੋਟਾ ਦੇ ਭਰਾ ਆਂਡਰੇ ਸਿਲਵਾ ਦੀ ਵੀ ਇਸ ਹਾਦਸੇ ਵਿਚ ਮੌਤ ਹੋ ਗਈ। 25 ਸਾਲਾ ਸਿਲਵਾ ਵੀ ਪੇਸ਼ੇਵਰ ਫੁੱਟਬਾਲ ਖਿਡਾਰੀ ਸਨ।

ਸਪੇਨ ਦੀ ਇਨਫਾਰਸਮੈਂਟ ਏਜੰਸੀ ਗਾਰਡੀਆ ਸਿਵਿਲ ਨੇ ਕਿਹਾ ਕਿ ਇਹ ਦੁਰਘਟਨਾ ਸੰਭਾਵਤ ਤੌਰ 'ਤੇ ਓਵਰਟੇਕ ਕਰਦੇ ਸਮੇਂ ਟਾਇਰ ਫਟਣ ਕਾਰਨ ਹੋਈ। ਪੁਲਿਸ ਨੇ ਕਿਹਾ ਕਿ ਇਸ ਵਿਚ ਕੋਈ ਹੋਰ ਵਾਹਨ ਸ਼ਾਮਲ ਨਹੀਂ ਸੀ। ਪੁਲਿਸ ਨੇ ਦੱਸਿਆ ਕਿ ਕਾਰ ਵਿਚ ਜੋਟਾ ਅਤੇ ਸਿਲਵਾ ਹੀ ਸਵਾਰ ਸਨ।

ਲਿਵਰਪੂਲ ਐਫਸੀ ਅਤੇ ਪੁਰਤਗਾਲ ਦੇ ਪ੍ਰਧਾਨ ਮੰਤਰੀ ਲੁਈਸ ਮੋਂਟੇਨੇਗਰੋ ਨੇ ਅਚਾਨਕ ਅਤੇ ਦੁਖਦਾਈ ਮੌਤਾਂ 'ਤੇ ਦੁਖ਼ ਦਾ ਪ੍ਰਗਟਾਵਾ ਕੀਤਾ। ਮੋਂਟੇਨੇਗਰੋ ਨੇ ਕਿਹਾ ਕਿ ਜੋਟਾ ਇੱਕ ਅਜਿਹਾ ਐਥਲੀਟ ਸੀ ਜਿਸ ਨੇ ਪੁਰਤਗਾਲ ਦਾ ਨਾਮ ਉੱਚਾ ਕੀਤਾ।