9.77C Vancouver 9.77C VancouverMay 16, 2020 1:58 AM -
ਅਮਰੀਕਾ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਲਈ ਭਾਰਤ ਨੂੰ ਮਦਦ ਪ੍ਰਦਾਨ ਕੀਤੀ ਜਾ ਰਹੀ ਹੈ ਅਤੇ ਵੱਡੀ ਗਿਣਤੀ 'ਚ ਵੈਂਟੀਲੇਟਰ, ਭਾਰਤ ਭੇਜੇ ਜਾ ਰਹੇ ਹਨ।
ਇਸਦੇ ਬਾਰੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਜ਼ਿਕਰ ਕੀਤਾ।
ਰਾਸ਼ਟਰਪਤੀ ਟ੍ਰੰਪ ਨੇ ਆਪਣੀ ਗੱਲਬਾਤ ਦੌਰਾਨ ਕਿਹਾ, "ਮੇਰੀ ਪੀ.ਐਮ. ਨਰੇਂਦਰ ਮੋਦੀ ਨਾਲ ਗੱਲ ਹੋਈ ਹੈ।
ਸਾਡੇ ਕੋਲ ਵੈਂਟੀਲੇਟਰਾਂ ਦੀ ਚੰਗੀ ਸਪਲਾਈ ਹੈ, ਅਤੇ ਅਸੀਂ ਵੱਡੀ ਗਿਣਤੀ 'ਚ ਵੈਂਟੀਲੇਟਰ ਭਾਰਤ ਭੇਜ ਰਹੇ ਹਾਂ।"
ਅਮਰੀਕਾ ਦੇ ਰਾਸ਼ਟਰਪਤੀ ਨੇ ਅੱਜ ਇੱਕ ਟਵੀਟ ਕੀਤਾ ਹੈ ਅਤੇ ਜਾਣਕਾਰੀ ਦਿੱਤੀ ਹੈ ਕਿ, ਅਮਰੀਕਾ ਆਪਣੇ ਦੋਸਤ, ਭਾਰਤ ਨੂੰ ਵੈਂਟੀਲੇਟਰ ਦਾਨ (donate) ਕਰਨ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਇਸ ਮੁਸ਼ਕਿਲ ਦੀ ਘੜੀ 'ਚ ਭਾਰਤ ਅਤੇ ਨਰੇਂਦਰ ਮੋਦੀ ਦੇ ਨਾਲ ਖੜਾ ਹੈ। ਉਨ੍ਹਾਂ ਦੱਸਿਆ ਕਿ ਅਸੀਂ ਇੱਕ ਵੈਕਸੀਨ ਬਣਾਉਣ ਲਈ ਵੀ ਇਕੱਠੇ ਕੰਮ ਕਰ ਰਹੇ ਹਾਂ।
ਆਪਣੇ ਟਵੀਟ ਦੇ ਅੰਤ 'ਚ ਟ੍ਰੰਪ ਨੇ ਕਿਹਾ ਕਿ, ਇਕੱਠੇ ਅਸੀਂ ਇਸ ਅਦਿੱਖ ਦੁਸ਼ਮਣ ਨੂੰ ਮਾਤ ਦੇਵਾਂਗੇ।
ਬੀਤੇ ਮਹੀਨੇ ਭਾਰਤ ਵੱਲੋਂ ਜਿਹੜੇ ਦੇਸ਼ਾਂ 'ਚ ਹਾਈਡਰੌਕਸੀਕਲੋਰੋਕਵਿਨ (HCQ) ਦੀ ਸਪਲਾਈ ਸੰਬੰਧੀ ਸੂਚੀ ਜਾਰੀ ਕੀਤੀ ਗਈ ਸੀ, ਉਸਦੇ ਵਿੱਚ ਅਮਰੀਕਾ ਵੀ ਸ਼ਾਮਿਲ ਹੈ।
ਖਬਰਾਂ ਹਨ ਕਿ ਅਮਰੀਕਾ ਨੇ ਇਸਦੀਆਂ 48 ਲੱਖ ਟੈਬਲੇਟਸ ਦੀ ਮੰਗ ਕੀਤੀ ਸੀ।
ਟ੍ਰੰਪ ਨੇ ਭਾਰਤ ਦੇ ਇਸ ਕਦਮ ਤੋਂ ਬਾਅਦ ਨਰੇਂਦਰ ਮੋਦੀ ਦੀ ਲੀਡਰਸ਼ਿਪ ਨੂੰ ਮਜ਼ਬੂਤ ਦੱਸਿਆ ਸੀ, ਅਤੇ ਕਿਹਾ ਸੀ ਕਿ ਮੋਦੀ ਸਿਰਫ ਭਾਰਤ ਹੀ ਨਹੀਂ ਬਲਕਿ ਮਨੁੱਖਤਾ ਦੀ ਮਦਦ ਕਰ ਰਹੇ ਹਨ।
