ਸਟੈਟਿਸਟਿਕਸ ਕੈਨੇਡਾ : ਜੁਲਾਈ ਦੌਰਾਨ ਕੈਨੇਡਾ ਦੀ ਜੀਡੀਪੀ ਫਲੈਟ

ਸ਼ੁੱਕਰਵਾਰ ਨੂੰ ਸਟੈਟਿਸਟਿਕਸ ਕੈਨੇਡਾ ਨੇ ਜੀਡੀਪੀ ਨੂੰ ਲੈ ਕੇ ਨਵੇਂ ਅੰਕੜੇ ਜਾਰੀ ਕੀਤੇ ਹਨ, ਜਿਸ ਵਿੱਚ ਦੱਸਿਆ ਗਿਆ ਕਿ ਜੁਲਾਈ ਦੌਰਾਨ ਕੈਨੇਡਾ ਦੀ ਜੀਡੀਪੀ ਵਿੱਚ ਕੋਈ ਤਬਦੀਲੀ ਨਹੀਂ ਹੋਈ।

ਸਰਵਿਸ ਸੈਕਟਰ ਵਿੱਚ ਮਾਮੂਲੀ ਵਿਸਥਾਰ ਹੋਇਆ ਜਦਕਿ ਮਾਲ-ਉਤਪਾਦਨ ਉਦਯੋਗ ਵਿੱਚ ਕਮੀ ਦਰਜ ਹੋਈ।

ਮੈਨੂਫੈ਼ਕਚਰਿੰਗ ਸੈਕਟਰ 1.5 % ਸੁੰਗੜਿਆ ਹੈ।

ਖੇਤੀਬਾੜੀ ਅਤੇ ਜੰਗਲਾਤ, ਆਵਾਜਾਈ ਅਤੇ ਵੇਅਰਹਾਊਸਿੰਗ, ਰਿਟੇਲ ਅਤੇ ਪ੍ਰੋਫ਼ੈਸ਼ਨਲ ਸੇਵਾਵਾਂ ਵਿੱਚ ਵੀ ਨਿਘਾਰ ਹੋਇਆ।

ਮਾਈਨਿੰਗ ਅਤੇ ਤੇਲ ਤੇ ਗੈਸ ਸੈਕਟਰ ਵਿੱਚ ਉਛਾਲ ਦਰਜ ਕਰਦੇ ਹੋਏ ਕਿਹਾ ਗਿਆ ਹੈ ਕਿ ਮਾਈਨਿੰਗ ਸੈਕਟਰ ਵਿੱਚ 4.2% ਵਾਧਾ ਹੋਇਆ ਤੇ ਤੇਲ ਅਤੇ ਗੈਸ ਕੱਢਣ ਵਿੱਚ 1.5% ਵਾਧਾ ਹੋਇਆ।

ਜੁਲਾਈ ਦੇ ਜੀਡੀਪੀ ਅੰਕੜੇ ਅਰਥਸ਼ਾਸਤਰੀਆਂ ਦੀ ਉਮੀਦ ਨਾਲੋਂ ਕਮਜ਼ੋਰ ਰਹੇ।

ਸ਼ੁਰੂਆਤੀ ਅੰਕੜਿਆਂ ਵਿੱਚ ਅਗਸਤ ਦੌਰਾਨ 0.1% ਦਾ ਵਿਸਤਾਰ ਅਨੁਮਾਨਿਆ ਗਿਆ ਹੈ ਜਦਕਿ ਉਮੀਦ 0.2 % ਦੀ ਕੀਤੀ ਜਾ ਰਹੀ ਸੀ।