11.66C Vancouver 11.66C VancouverSep 26, 2025 6:13 PM - The Canadian Press
ਕੈਨੇਡੀਅਨ ਅਰਥਵਿਵਸਥਾ ਨੇ ਜੁਲਾਈ ਵਿਚ 0.2 ਫੀਸਦੀ ਦਾ ਵਾਧਾ ਦਰਜ ਕੀਤਾ ਹੈ, ਜੋ ਲਗਾਤਾਰ ਚਾਰ ਮਹੀਨਿਆਂ ਦੀ ਗਿਰਾਵਟ ਤੋਂ ਬਾਅਦ ਪਹਿਲੀ ਵਾਰ ਹੈ। ਇਹ ਵਾਧਾ ਮੁੱਖ ਤੌਰ 'ਤੇ goods-producing sectors ਵਿਚ ਰਿਕਵਰੀ ਕਾਰਨ ਹੋਇਆ, ਜਦੋਂ ਕਿ ਸਰਵਿਸ ਸੈਕਟਰ ਵਿਚ ਵਾਧਾ ਸੀਮਤ ਰਿਹਾ।
ਸਟੈਟਿਸਟਿਕਸ ਕੈਨੇਡਾ ਨੇ ਸ਼ੁੱਕਰਵਾਰ ਨੂੰ ਜਾਰੀ ਰਿਪੋਰਟ ਵਿਚ ਕਿਹਾ ਕਿ ਜੁਲਾਈ ਵਿਚ ਮਾਈਨਿੰਗ, ਖੁਦਾਈ, ਤੇਲ ਅਤੇ ਗੈਸ ਕੱਢਣ ਵਾਲੇ ਸੈਕਟਰਸ ਵਿਚ ਵਾਧਾ ਸਭ ਤੋਂ ਜ਼ਿਆਦਾ ਰਿਹਾ। ਟੈਰਿਫ-ਪ੍ਰਭਾਵਿਤ ਇੰਡਸਟਰੀਜ਼ ਨੇ ਵੀ ਉਮੀਦ ਤੋਂ ਬਿਹਤਰ ਪ੍ਰਦਰਸ਼ਨ ਕੀਤਾ।
ਹਾਲਾਂਕਿ, ਆਇਰਨ ਅਤੇ ਸਟੀਲ ਮਿੱਲਾਂ ਵਿਚ ਗਤੀਵਿਧੀ ਘੱਟ ਰਹੀ। ਅਰਥਸ਼ਾਸਤਰੀਆਂ ਦਾ ਕਹਿਣਾ ਹੈ ਕਿ ਜੁਲਾਈ ਦਾ ਵਾਧਾ ਇਸ ਗੱਲ ਦਾ ਸੰਕੇਤ ਹੈ ਕਿ ਕੈਨੇਡਾ ਦੀ ਅਰਥਵਿਵਸਥਾ ਤੀਜੀ ਤਿਮਾਹੀ ਵਿਚ ਮੁੜ ਬਹਾਲੀ ਦੇ ਰਾਹ 'ਤੇ ਹੈ ਅਤੇ ਇਸ ਸਾਲ ਮੰਦੀ ਤੋਂ ਬਚ ਸਕਦੀ ਹੈ।
ਉਥੇ ਸੀ.ਆਈ.ਬੀ.ਸੀ. ਦੇ ਸੀਨੀਅਰ ਅਰਥਸ਼ਾਸਤਰੀ ਐਂਡਰਿਊ ਗ੍ਰਾਂਥਮ ਨੇ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਵਿਆਜ਼ ਦਰ ਵਿਚ ਇੱਕ ਹੋਰ ਕਟੌਤੀ ਅਜੇ ਵੀ ਜ਼ਰੂਰੀ ਹੈ ਅਤੇ ਮਾਰਕੀਟ ਨੂੰ ਉਮੀਦ ਹੈ ਕਿ ਬੈਂਕ ਔਫ ਕੈਨੇਡਾ ਅਕਤੂਬਰ ਦੀ ਮੀਟਿੰਗ ਵਿਚ ਇਹ ਕਦਮ ਉਠਾ ਸਕਦਾ ਹੈ।
