18.78C Vancouver 18.78C VancouverSep 26, 2025 5:33 PM - The Canadian Press
ਬੀ.ਸੀ. ਦੇ ਐਜਵੁੱਡ ਸਥਿਤ ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਨੂੰ ਲੈ ਕੇ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਦਾ ਕਹਿਣਾ ਹੈ ਕਿ ਸ਼ਤਰਮੁਰਗਾਂ ਨੂੰ ਮਾਰਨ ਵਿਚ ਹੋਈ ਰਹੀ ਲਗਾਤਾਰ ਦੇਰੀ ਕਾਰਨ ਜਾਨਵਰਾਂ ਅਤੇ ਇਨਸਾਨਾਂ ਦੀ ਸਿਹਤ ਲਈ ਸੰਭਾਵਿਤ ਰਿਸਕ ਪੈਦਾ ਹੋ ਰਿਹਾ ਹੈ। ਏਜੰਸੀ ਨੇ ਕਿਹਾ ਕਿ ਫਾਰਮ ਵਿਚ 300 ਤੋਂ 330 ਸ਼ੁਤਰਮੁਰਗ ਹਨ ਅਤੇ ਵਧੇਰੇ ਸਟੀਕ ਗਿਣਤੀ ਕਰਨ ਦਾ ਕੰਮ ਜਾਰੀ ਹੈ।
ਸੀ.ਐਫ.ਆਈ.ਏ. ਨੇ ਇਹ ਵੀ ਕਿਹਾ ਕਿ ਉਸ ਨੇ ਮੌਕੇ 'ਤੇ ਇੱਕ ਸ਼ੁਤਰਮੁਰਗ ਦੀ ਪਛਾਣ ਕੀਤੀ ਹੈ ਜਿਸ ਦੀ ਸਿਹਤ ਖਰਾਬ ਹੈ ਪਰ ਏਜੰਸੀ ਨੇ ਇਹ ਨਹੀਂ ਦੱਸਿਆ ਕਿ ਉਸ ਸ਼ੁਤਰਮੁਰਗ ਨੂੰ ਕੀ ਸਮੱਸਿਆ ਹੈ। ਗੌਰਤਲਬ ਹੈ ਕਿ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਕੈਨੇਡਾ ਦੀ ਸੁਪਰੀਮ ਕੋਰਟ ਵਲੋਂ ਬਿਲਕੁਲ ਆਖਰੀ ਸਮੇਂ 'ਤੇ ਸ਼ਤਰਮੁਰਗਾਂ ਨੂੰ ਮਾਰਨ ਦੀ ਕਾਰਵਾਈ 'ਤੇ ਰੋਕ ਲਗਾ ਦਿੱਤੀ ਗਈ ਸੀ, ਜਿਸ ਤੋਂ ਬਾਅਦ ਫਾਰਮ ਨੂੰ ਅਸਥਾਈ ਤੌਰ 'ਤੇ ਰਾਹਤ ਮਿਲੀ ਹੈ।
ਏਜੰਸੀ ਨੇ ਦਸੰਬਰ 2024 ਵਿਚ ਫਲੌਕ ਨੂੰ ਨਸ਼ਟ ਕਰਨ ਦਾ ਹੁਕਮ ਦਿੱਤਾ ਸੀ ਕਿਉਂਕਿ ਫਾਰਮ ਵਿਚ ਐਵੀਅਨ ਫਲੂ ਦਾ ਪਤਾ ਲੱਗਾ ਸੀ, ਜਿਸ ਨਾਲ 69 ਸ਼ੁਤਰਮੁਰਗਾਂ ਦੀ ਮੌਤ ਹੋ ਗਈ ਸੀ ਪਰ ਉਦੋਂ ਤੋਂ ਇਹ ਲੜਾਈ ਅਦਲਾਤਾਂ ਵਿਚ ਘੁੰਮ ਰਹੀ ਹੈ ਅਤੇ ਇਹ ਮਾਮਲਾ ਅੰਤਰਰਾਸ਼ਟਰੀ ਧਿਆਨ ਵੀ ਖਿੱਚ ਚੁੱਕਾ ਹੈ।
