14.57C Vancouver 14.57C VancouverOct 24, 2025 5:25 PM - The Canadian Press
ਮੈਟਰੋ ਵੈਨਕੂਵਰ ਵਿਚ ਤੇਜ਼ ਹਵਾਵਾਂ ਅਤੇ ਦਰਮਿਆਨੀ ਬਾਰਸ਼ ਕਾਰਨ ਬਿਜਲੀ ਸਪਲਾਈ ਸੰਭਾਵਿਤ ਤੌਰ 'ਤੇ ਪ੍ਰਭਾਵਿਤ ਹੋਣ ਦੀ ਚਿਤਾਵਨੀ ਦਿੱਤੀ ਗਈ ਹੈ। ਇਨਵਾਇਰਮੈਂਟ ਕੈਨੇਡਾ ਨੇ ਅੱਜ ਤੜਕੇ ਜਾਰੀ ਕੀਤੇ ਮੌਸਮ ਸਬੰਧੀ ਵਿਸ਼ੇਸ਼ ਬਿਆਨ ਵਿਚ ਕਿਹਾ ਕਿ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਣ ਵਾਲੀਆਂ ਤੇਜ਼ ਹਵਾਵਾਂ ਦਾ ਜ਼ੋਰ ਦੁਪਹਿਰ ਨੂੰ ਘੱਟ ਹੋਣ ਦੀ ਉਮੀਦ ਹੈ।ਮੈਟਰੋ ਵੈਨਕੂਵਰ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ 10 ਤੋਂ 20 ਮਿਲੀਮੀਟਰ ਤੱਕ ਬਾਰਸ਼ ਦੱਸੀ ਗਈ ਹੈ, ਜਦੋਂ ਕਿ ਪਹਾੜਾਂ ਨੇੜੇ ਇਹ 30 ਮਿਲੀਮੀਟਰ ਤੱਕ ਪੈ ਸਕਦੀ ਹੈ। ਮੌਸਮ ਏਜੰਸੀ ਨੇ ਕਿਹਾ ਕਿ ਸ਼ਾਮ ਤੱਕ ਬਾਰਸ਼ ਘੱਟ ਹੋ ਜਾਵੇਗੀ।
ਗੌਰਤਲਬ ਹੈ ਕਿ .ਬੀ.ਸੀ. ਦੇ ਤੱਟਵਰਤੀ ਇਲਾਕਿਆਂ ਵਿਚ ਰਾਤ ਭਰ ਹੋਈ ਬਾਰਸ਼ ਨਾਲ ਕਈ ਹਿੱਸਿਆਂ ਵਿਚ ਬਿਜਲੀ ਠੱਪ ਰਹੀ, ਬੀ.ਸੀ. ਹਾਈਡਰੋ ਮੁਤਾਬਕ, ਵੈਨਕੂਵਰ ਆਈਲੈਂਡ, ਸੈਂਟਰਲ ਇੰਟੀਰੀਅਰ ਅਤੇ ਉੱਤਰੀ ਬੀ.ਸੀ. ਵਿਚ ਹਜ਼ਾਰਾਂ ਲੋਕ ਬਿਜਲੀ ਦੇ ਬਿਨਾਂ ਸਨ। ਹਾਲਾਂਕਿ, ਸ਼ੁੱਕਰਵਾਰ ਸਵੇਰ ਤੱਕ ਕੁਝ ਕੁ ਘਰਾਂ ਨੂੰ ਛੱਡ ਕੇ ਜ਼ਿਆਦਤਰ ਬਿਜਲੀ ਬਹਾਲ ਕਰ ਦਿੱਤੀ ਗਈ ਸੀ।
ਇਨਵਾਇਰਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਟੈਰੇਸ ਅਤੇ ਕਿਟੀਮੈਟ ਵਿਚ ਸਭ ਤੋਂ ਵੱਧ 95 ਮਿਲੀਮੀਟਰ ਬਾਰਸ਼ ਹੋਈ, ਜਦੋਂ ਕਿ ਪ੍ਰਿੰਸ ਜਾਰਜ ਅਤੇ ਬੇਲਾ ਬੇਲਾ ਵਿਚ 93 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਤੱਕ ਹਵਾਵਾਂ ਚੱਲੀਆਂ ਸਨ।
