11.25C Vancouver 11.25C VancouverOct 23, 2025 6:26 PM - Connect Newsroom
ਨੌਰਥ ਵੈਨਕੂਵਰ ਆਰ.ਸੀ.ਐੱਮ.ਪੀ.ਦੀ ਨਵੀਂ ਇੰਚਾਰਜ ਅਫ਼ਸਰ ਬਰਨਬੀ ਆਰ.ਸੀ.ਐੱਮ.ਪੀ. ਦੀ ਕਮਿਊਨਿਟੀ ਪ੍ਰੋਗਰਾਮ ਅਫਸਰ ਰਹੀ ਪੈਰੀ ਮੈਨਵੇਰਿੰਗ ਹੋਵੇਗੀ। ਉਨ੍ਹਾਂ ਦੀ ਨਿਯੁਕਤੀ ਦਾ ਐਲਾਨ ਅੱਜ ਲੋਅਰ ਮੇਨਲੈਂਡ ਡਿਸਟ੍ਰਿਕ ਨੇ ਕੀਤਾ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸੁਪਰਡੈਂਟ ਮੈਨਵੇਰਿੰਗ ਇੱਕ ਅਨੁਭਵੀ ਪੁਲਿਸ ਅਧਿਕਾਰੀ ਹਨ ਜਿਨ੍ਹਾਂ ਕੋਲ ਆਰ.ਸੀ.ਐੱਮ.ਪੀ. ਵਿਚ 30 ਸਾਲ ਤੋਂ ਵੱਧ ਸੇਵਾ ਦਾ ਤਜਰਬਾ ਹੈ।
ਉਨ੍ਹਾਂ ਨੇ ਆਪਣਾ ਪੁਲਿਸਿੰਗ ਕਰੀਅਰ ਸਸਕੈਚਵਨ ਦੀ ਇੱਕ ਕਮਿਊਨਿਟੀ ਵਿਚ ਆਪਣੀ ਪਹਿਲੀ ਤਾਇਨਾਤੀ ਨਾਲ ਸ਼ੁਰੂ ਕੀਤਾ ਸੀ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਨੇ ਨਗਰਪਾਲਿਕਾ, ਸੂਬਾਈ ਅਤੇ ਫੈਡਰਲ ਪੱਧਰ ‘ਤੇ ਵੱਖ-ਵੱਖ ਅਹੁਦਿਆਂ 'ਤੇ ਕੰਮ ਕੀਤਾ ਹੈ।
ਬਰਨਬੀ ਵਿਚ ਤਾਇਨਾਤੀ ਤੋਂ ਪਹਿਲਾਂ ਮੈਨਵੇਰਿੰਗ ਨੇ 10 ਸਾਲ ਨੌਰਥ ਵੈਨਕੂਵਰ ਡਿਟੈਚਮੈਂਟ ਨਾਲ ਹੀ ਬਿਤਾਏ ਸਨ। ਮੈਨਵੇਰਿੰਗ ਨੇ ਕਿਹਾ ਕਿ ਉਹ ਨੌਰਥ ਵੈਨਕੂਵਰ ਲਈ ਡਿਟੈਚਮੈਂਟ ਕਮਾਂਡਰ ਦੇ ਰੂਪ ਵਿਚ ਚੁਣੇ ਜਾਣ 'ਤੇ ਬਹੁਤ ਮਾਣ ਮਹਿਸੂਸ ਕਰ ਰਹੇ ਹਨ, ਉਹਨਾਂ ਕਿਹਾ ਕਿ ਨੌਰਥ ਵੈਨਕੂਵਰ ਮੇਰੀ ਲਈ ਬਹੁਤ ਖਾਸ ਹੈ। ਮੈਨਵੇਰਿੰਗ ਨੇ ਆਪਣੇ ਬੱਚਿਆਂ ਦੀ ਪਰਵਰਿਸ਼ ਨੌਰਥ ਵੈਨਕੂਵਰ ਵਿਚ ਹੀ ਕੀਤੀ ਹੈ।
