15.22C Vancouver 15.22C VancouverFeb 26, 2025 6:57 PM - The Canadian Press
ਕੈਨੇਡਾ ਦੀ ਸੁਪਰੀਮ ਕੋਰਟ ਵਲੋਂ ਕਮਿਊਨੀਕੇਸ਼ਨ ਦੇ ਇਰਾਦੇ ਨਾਲ ਹੁਣ ਐਲੋਨ ਮਸਕ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ਦਾ ਇਸਤੇਮਾਲ ਨਹੀਂ ਕੀਤਾ ਜਾਵੇਗਾ। ਕੈਨੇਡਾ ਦੀ ਸੁਪਰੀਮ ਕੋਰਟ ਨੇ ਐਕਸ ’ਤੇ ਆਪਣੇ 46,000 ਦੇ ਕਰੀਬ ਗ੍ਰਾਹਕਾਂ ਨੂੰ ਇੱਕ ਪੋਸਟ ਵਿਚ ਇਹ ਜਾਣਕਾਰੀ ਦਿੱਤੀ।
ਸਰਵਉੱਚ ਅਦਾਲਤ ਨੇ ਕਿਹਾ ਕਿ ਉਹ ਹੁਣ ਹੋਰ ਪਲੇਟਫਾਰਮ ’ਤੇ ਫੋਕਸ ਕਰੇਗਾ। ਇਸ ਦੇ ਨਾਲ ਹੀ ਕੈਨੇਡਾ ਦੀ ਸੁਪਰੀਮ ਕੋਰਟ ਨੇ ਲੋਕਾਂ ਨੂੰ ਅਦਾਲਤ ਨਾਲ ਜੁੜੀ ਨਵੀਂ ਜਾਣਕਾਰੀ ਲਈ ਉਸ ਦੇ ਲਿੰਕਡਇਨ, ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਯੂਟਿਊਬ ਖਾਤੇ ਨੂੰ ਫੋਲੋ ਕਰਨ ਲਈ ਸੱਦਾ ਦਿੱਤਾ ਹੈ।
ਹਾਲਾਂਕਿ, ਕੈਨੇਡਾ ਦੀ ਸੁਪਰੀਮ ਕੋਰਟ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ਤੋਂ ਦੂਰੀ ਬਣਾਏ ਜਾਣ ਦਾ ਕਾਰਨ ਨਹੀਂ ਦੱਸਿਆ। ਇਸ ਦੇ ਐਕਸ ਅਕਾਉਂਟ ਦੀ ਪ੍ਰੋਫਾਈਲ ਮੁਤਾਬਕ, ਸਰਵਉੱਚ ਅਦਾਲਤ ਨੇ 2015 ਵਿਚ ਇਸ ਪਲੇਟਫਾਰਮ ਨੂੰ ਜੁਆਇੰਨ ਕੀਤਾ ਸੀ, ਉਦੋਂ ਇਸ ਨੂੰ ਟਵਿੱਟਰ ਨਾਮ ਨਾਲ ਜਾਣਿਆ ਜਾਂਦਾ ਸੀ।
