11.8C Vancouver 11.8C VancouverJun 26, 2020 4:34 PM -
ਕੈਨੇਡਾ ਦੇ ਸੁਪਰੀਮ ਕੋਰਟ ਨੇ ਉਬਰ ਡਰਾਈਵਰਾਂ ਲਈ ਕਰਮਚਾਰੀਆਂ ਦਾ ਦਰਜਾ ਹਾਸਲ ਕਰਨ ਦੀ ਲੜਾਈ ਲਈ ਅਗਲੇ ਕਦਮ ਵਾਸਤੇ ਰਾਹ ਬਣਾ ਦਿੱਤਾ ਹੈ।
ਕੈਨੇਡਾ ਦੀ ਸਰਵਉੱਚ ਅਦਾਲਤ ਵੱਲੋਂ ਅੱਜ ਔਂਟੈਰੀਓ ਕੋਰਟ ਆਫ ਅਪੀਲ ਦਾ ਫੈਸਲਾ ਬਰਕਰਾਰ ਰੱਖਣ ਦਾ ਨਿਰਣਾ ਸੁਣਾਇਆ ਗਿਆ ਜਿਸ ਸਦਕਾ ਹੁਣ ਉਬਰ ਡਰਾਈਵਰ ਮਿਨੀਮਮ ਵੇਜ, ਵੈਕੇਸ਼ਨ ਪੇ ਅਤੇ ਹੋਰ ਬੈਨੇਫਿਟ ਲਈ ਇੱਕ ਕਲਾਸ ਐਕਸ਼ਨ ਮੁਕੱਦਮਾ ਕਰ ਸਕਣਗੇ।
ਇਸ ਕਾਨੂੰਨੀ ਕਾਰਵਾਈ ਦੀ ਸ਼ੁਰੂਆਤ ਔਂਟੈਰੀਓ ਵਿੱਚ ਉਬਰ ਈਟਸ ਦੇ ਇੱਕ ਡਰਾਈਵਰ ਡੇਵਿਡ ਹੈਲਰ ਵੱਲੋਂ ਕੀਤੀ ਗਈ ਸੀ।
ਉਸ ਦੀ ਮੰਗ ਸੀ ਕਿ ਉਬਰ ਦੇ ਡਰਾਈਵਰ ਵੀ ਕਰਮਚਾਰੀ ਮੰਨੇ ਜਾਣ ਅਤੇ ਉਹ ਔਂਟੈਰੀਓ ਦੇ ਇੰਪਲਾਇਮੈਂਟ ਸਟੈਂਡਰਡਜ਼ ਐਕਟ ਅਧੀਨ ਅਧਿਕਾਰਾਂ ਦੇ ਹੱਕਦਾਰ ਹਨ।
ਅਦਾਲਤ ਮੁਤਾਬਕ ਉਬਰ ਦੇ ਸਰਵਿਸਜ਼ ਸਮਝੌਤੇ ਦੀ ਇੱਕ ਧਾਰਾ ਅਨੁਸਾਰ ਸਾਰੇ ਝਗੜਿਆਂ ਨੂੰ ਨੈਦਰਲੈਂਡਜ਼ ਵਿੱਚ ਆਰਬੀਟਰੇਸ਼ਨ ਵਿੱਚੋਂ ਲੰਘਣਾ ਪੈਂਦਾ ਹੈ।
ਆਪਣੇ ਫੈਸਲੇ ਵਿੱਚ ਸੁਪਰੀਮ ਕੋਰਟ ਨੇ ਕਿਹਾ ਕਿ ਹੈਲਰ ਅਤੇ ਉਬਰ ਵਿਚਕਾਰ ਆਰਬੀਟਰੇਸ਼ਨ ਸਮਝੌਤੇ ਅਧੀਨ ਉਸ ਨੂੰ ਕਾਨੂੰਨੀ ਤੌਰ ਤੇ ਨਿਰਧਾਰਤ ਝਗੜੇ ਦੇ ਨਤੀਜੇ 'ਤੇ ਪਹੁੰਚਣ ਤੇ ਰੋਕ ਹੈ ਜਿਸ ਨਾਲ ਹੈਲਰ ਨੂੰ ਬੇਲੋੜੀ ਮੁਸ਼ਕਿਲ ਦਾ ਸਾਮਣਾ ਕਰਨਾ ਪੈ ਰਿਹਾ ਹੈ।
