ਮੇਲ ਅਤੇ ਆਈਡੈਂਟਟੀ ਚੋਰੀ ਮਾਮਲੇ ਦਾ ਪਰਦਾਫਾਸ਼

ਸਰੀ ਆਰ.ਸੀ.ਐਮ.ਪੀ. ਕਮਿਊਨਿਟੀ ਰਿਸਪਾਂਸ ਟੀਮ (Surrey RCMP Community Response Unit) ਵੱਲੋਂ ਇੱਕ ਗਿਰਫਤਾਰੀ ਕੀਤੀ ਗਈ ਹੈ।

ਇਸਦੇ ਨਾਲ ਹੀ ਸੈਂਕੜੇ ਦੇ ਹਿਸਾਬ ਨਾਲ ਚੋਰੀ ਕੀਤੀ ਗਈ ਮੇਲ ਅਤੇ ਆਈ.ਡੀ. ਕਾਰਡਸ ਦੀ ਬਰਾਮਦਗੀ ਹੋਈ ਹੈ।

ਸਰੀ ਤੋਂ ਇੱਕ ਟਾਰਗੈਟਿੰਗ ਮੇਲ ਦੇ ਮਾਮਲੇ 'ਚ ਜਾਂਚ ਤੋਂ ਬਾਅਦ, ਇਹ ਗਿਰਫਤਾਰੀ ਹੋਈ ਹੈ।

ਮਾਮਲੇ ਦੀ ਜਾਂਚ 12 ਨਵੰਬਰ ਨੂੰ ਸ਼ੁਰੂ ਹੋਈ ਸੀ। ਪੁਲਿਸ ਨੂੰ ਉੱਤਰੀ ਸਰੀ ਤੋਂ, ਕਮਿਊਨਿਟੀ ਮੇਲ ਬਾਕਸਿਸ (community mail boxes) ਤੋਂ ਚੋਰੀ ਦੀਆਂ ਰਿਪੋਰਟਸ ਮਿਲੀਆਂ ਸਨ।

ਜਾਂਚ ਅੱਗੇ ਵਧਣ ਤੋਂ ਬਾਅਦ, ਇੱਕ ਸ਼ੱਕੀ ਦੀ ਪਛਾਣ ਹੋਈ, ਅਤੇ ਫੇਰ ਪੁਲਿਸ ਨੇ ਇੱਕ ਘਰ ਦੀ ਤਲਾਸ਼ੀ ਦਾ ਵਾਰੰਟ ਹਾਸਿਲ ਕੀਤਾ।

ਇਹ ਘਰ Balloch drive ਤੇ 13000 block ਤੇ ਸਥਿਤ ਸੀ। ਤਲਾਸ਼ੀ ਦੌਰਾਨ ਪੁਲਿਸ ਨੂੰ, ਕਰੈਡਿਟ ਕਾਰਡ, ਚੈੱਕ, ਸਰਕਾਰੀ ਆਈ.ਡੀ. ਕਾਰਡਸ ਅਤੇ ਕਰੰਸੀ ਵਰਗੀ ਸਮਗਰੀ ਮਿਲੀ ਸੀ।

ਇਸਤੋਂ ਅਲਾਵਾ $6,000 ਵੀ ਮਿਲੇ ਹੋਣ ਦੀਆਂ ਖਬਰਾਂ ਹਨ।

ਸਰੀ ਦੇ 29 ਸਾਲਾ ਮਾਈਕਲ ਬੈਂਜਾਮਿਨ ਸਟੌਟ 'ਤੇ ਮਾਮਲੇ ਵਿੱਚ ਕਈ ਆਰੋਪ ਲੱਗੇ ਹਨ।