9.6C Vancouver 9.6C VancouverJul 28, 2020 1:29 AM -
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਸਰੀ ਦੇ ਇੱਕ 30 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਵਿਅਕਤੀ 'ਤੇ ਇਸ ਮਹੀਨੇ ਵਾਪਰੇ ਇੱਕ ਜਿਨਸੀ ਹਮਲੇ ਅਤੇ ਦਹਾਕੇ ਸੰਬੰਧੀ ਇਲਜ਼ਾਮ ਲੱਗੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ 10 ਜੁਲਾਈ ਨੂੰ ਰਾਤ ਕਰੀਬ 11 ਵਜੇ ਸੰਪਰਕ ਕੀਤਾ ਗਿਆ ਸੀ, ਅਤੇ ਰਿਪੋਰਟ ਮਿਲੀ ਸੀ ਕਿ ਇੱਕ ਔਰਤ ਨੂੰ ਕਿੰਗ ਜਾਰਜ ਸਟੇਸ਼ਨ ਕੋਲ ਜਿਨਸੀ ਹਮਲੇ ਅਤੇ ਡਾਕੇ ਦਾ ਸ਼ਿਕਾਰ ਬਣਾਇਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਔਰਤ ਸਟੇਸ਼ਨ ਦੇ ਕੋਲ ਤੁਰ ਕੇ ਜਾ ਰਹੀ ਸੀ, ਜਦ ਉਸ ਨੂੰ ਇੱਕ ਵਿਅਕਤੀ ਨੇ ਰੋਕਿਆ ਅਤੇ ਹਥਿਆਰ ਵਿਖਾ ਕੇ ਲੁੱਟ ਕੀਤੀ।
ਇਸ ਤੋਂ ਬਾਅਦ ਔਰਤ ਨੂੰ ਕੋਲ ਹੀ ਝਾੜੀਆਂ 'ਚ ਖਿੱਚ ਲਿਆ ਗਿਆ ਅਤੇ ਪੁਲਿਸ ਅਨੁਸਾਰ ਉਸ ਨੂੰ ਜਿਨਸੀ ਹਮਲੇ ਦਾ ਸ਼ਿਕਾਰ ਬਣਾਇਆ ਗਿਆ।
ਔਰਤ ਨੂੰ ਕੁੱਝ ਸੱਟਾਂ ਵੀ ਲੱਗੀਆਂ ਜਿਸ ਲਈ ਉਸ ਨੂੰ ਹਸਪਤਾਲ ਵਿੱਚ ਉਪਚਾਰ ਪ੍ਰਦਾਨ ਕੀਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਆਰ.ਸੀ.ਐਮ.ਪੀ. ਦਾ ਕਈ ਟੀਮਾਂ ਨੇ ਮਾਮਲੇ 'ਚ ਜਾਂਚ ਕੀਤੀ, ਅਤੇ ਸ਼ੁੱਕਰਵਾਰ ਨੂੰ ਹਾਰਟਲੀ ਡੌਨਲਡ ਡੌਕਹੌਰਨ ਨਾਮ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਇਸ ਵਿਅਕਤੀ 'ਤੇ ਹਥਿਆਰ ਦੀ ਵਰਤੋਂ ਕਰਦੇ ਹੋਏ ਜਿਨਸੀ ਹਮਲਾ ਕਰਨ, ਜ਼ਬਰਦਸਤੀ ਕਬਜ਼ੇ 'ਚ ਰੱਖਣਾ, ਡਾਕਾ, ਧਮਕੀ ਦੇਣਾ ਅਤੇ ਹੋਰ ਦੋਸ਼ ਲੱਗੇ ਹਨ।
