15.43C Vancouver 15.43C VancouverMar 13, 2026 5:17 PM - Connect Newsroom - Ramandeep Kaur
ਸਰੀ ਪੁਲਿਸ ਸਰਵਿਸ ਦੇ ਰੋਡ ਸੇਫਟੀ ਸੈਕਸ਼ਨ ਨੇ 6 ਮਾਰਚ ਤੋਂ 9 ਮਾਰਚ ਤੱਕ ਦੇ ਮਹਿਜ਼ ਚਾਰ ਦਿਨਾਂ ਦੇ ਅੰਦਰ 25 ਡਰਾਈਵਰਾਂ 'ਤੇ ਬਹੁਤ ਜ਼ਿਆਦਾ ਰਫ਼ਤਾਰ ਦੇ ਦੋਸ਼ ਲਗਾਏ ਹਨ ਅਤੇ ਉਨ੍ਹਾਂ ਦੀਆਂ ਗੱਡੀਆਂ ਮੌਕੇ 'ਤੇ ਹੀ ਇੰਪਾਊਂਡ ਕੀਤੀਆਂ ਗਈਆਂ ਹਨ।
ਪੁਲਿਸ ਮੁਤਾਬਕ, ਇੱਕ ਜਗ੍ਹਾ 80 ਕਿਲੋਮੀਟਰ ਦੇ ਸਪੀਡ ਜ਼ੋਨ ਵਿਚ ਇੱਕ ਗੱਡੀ 183 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ 'ਤੇ ਦੌੜਦੀ ਪਾਈ ਗਈ ਅਤੇ ਜਾਂਚ ਵਿਚ ਇਹ ਵੀ ਪਤਾ ਲੱਗਾ ਕਿ ਇਸ ਗੱਡੀ ਦਾ ਕੋਈ ਇੰਸ਼ੋਰੈਂਸ ਵੀ ਨਹੀਂ ਸੀ। ਇਸੇ ਤਰ੍ਹਾਂ 50 ਕਿਲੋਮੀਟਰ ਦੇ ਸਪੀਡ ਜ਼ੋਨ ਵਿਚ ਇੱਕ ਡਰਾਈਵਰ 139 km/hr ਦੀ ਸਪੀਡ 'ਤੇ ਸੀ, ਜਿਸ ਕੋਲ ਡਰਾਈਵਿੰਗ ਲਾਇਸੈਂਸ ਤੱਕ ਨਹੀਂ ਸੀ।
ਸਰੀ ਪੁਲਿਸ ਸਰਵਿਸ ਮੁਤਾਬਕ, 4 ਗੱਡੀਆਂ ਅਜਿਹੀਆਂ ਸਨ ਜੋ ਨਿਰਧਾਰਿਤ ਸਪੀਡ ਲਿਮਟ ਤੋਂ ਦੁੱਗਣੀ ਰਫ਼ਤਾਰ 'ਤੇ ਚੱਲ ਰਹੀਆਂ ਸਨ। 12 ਗੱਡੀਆਂ ਦੀ ਰਫ਼ਤਾਰ 120 km/hr ਤੋਂ ਵੀ ਵੱਧ ਸੀ। ਚਿੰਤਾ ਵਾਲੀ ਗੱਲ ਇਹ ਹੈ ਕਿ ਫੜੇ ਗਏ 4 ਡਰਾਈਵਰ ਕਾਲਸ 7N ਲਾਇਸੰਸ ਹੋਲਡਰ ਸਨ।
ਇਨ੍ਹਾਂ ਵਿਚੋਂ ਇੱਕ ਡਰਾਈਵਰ 50 ਕਿਲੋਮੀਟਰ ਜ਼ੋਨ ਵਿਚ 114 km/hr ਦੀ ਰਫ਼ਤਾਰ 'ਤੇ ਗੱਡੀ ਦੌੜਾ ਰਿਹਾ ਸੀ। ਪੁਲਿਸ ਨੇ ਕਿਹਾ ਕਿ ਅਜਿਹੀ ਸਪੀਡਿੰਗ ਸੜਕ 'ਤੇ ਚੱਲਣ ਵਾਲੇ ਦੂਜੇ ਲੋਕਾਂ ਲਈ ਬਹੁਤ ਵੱਡਾ ਖ਼ਤਰਾ ਹੈ।
